Ezai 1:4 - Labib An Kreol Seselwa

⁴ Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 1:4 ပူးပေါင်းရင်းမြစ်များ

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

2 Rwa 21:22

I ti abandonn SENYER, Bondye son bann zanset e i pa ti swiv sa ki SENYER ti demande.

2 Kronik 12:1

Kan Roboanm ti'n solidman etabli son pouvwar e i ti'n vin for, i ti abandonn lalwa SENYER, e Izrael antye ti osi abandonn SENYER.

2 Kronik 27:2

Son bann aksyon ti fer plezir SENYER, egzakteman parey son papa, Ozyas. Selman, i pa ti antre dan tanp SENYER. Me lepep ti kontinyen dan son bann koripsyon.

Nehemi 1:7

Nou'n ofans ou en kantite; nou pa'n gard ou bann komannman, ou bann lalwa ek ou bann regleman ki ou ti donn nou par lentermedyer ou serviter Moiz, ou serviter.

Psonm 58:3

Depi dan vant zot manman, bann malfeter i pratik sa ki mal. Depi zour zot nesans, zot in pran move semen e zot manter.

Psonm 71:22

Mon pou loue ou avek laarp. Mon Bondye! Mon pou sant ou fidelite. Mon pou zwe lanmizik pour ou, Bondye Sen pep Izrael.

Psonm 78:40

Souvan dan dezer, zot ti rebel kont li. Souvan zot ti ofans li dan dezer.

Psonm 78:41

Plizyer fwa zot ti teste Bondye e ofans Bondye Sen Izrael.

Psonm 78:57

Me parey zot zanset, zot ti pran move semen. Zot pa ti reste fidel; Bondye pa ti kapab kont lo zot.

Psonm 78:8

Alor, zot pa pou devre fer parey zot bann zanset ki ti en zenerasyon rebel e dezobeisan, ki zanmen ti vreman met zot konfyans dan Bondye. Zot lespri pa ti fidel avek Bondye.

Psonm 89:18

SENYER i nou protekter; li menm ki Sen dan Izrael, li menm nou lerwa.

Egzod 32:7

SENYER ti dir Moiz, “Desann toudswit. Sa pep ki ou ti fer sorti Lezip in koronpi.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 1:28

Me bann rebel ek bann peser pou ganny detri ansanm; bann ki abandonn SENYER pou ganny pini.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 14:20

Me ou pa pou ganny antere avek zot, akoz ou'n detri ou pei, ou'n detri ou pep. Laras bann kriminel pou ganny oubliye pour touzour!

Ezai 29:19

Bann senp pou trouv en gran lazwa dan SENYER. Bann pov pou rezoui dan sa sel Bondye, sen dan Izrael,

Ezai 3:8

Zerizalenm in degrengole; rwayonm Zida in tonbe, akoz zot parol ek zot aksyon in kont SENYER. Zot in revolte devan son laglwar.

Ezai 30:1

La sa ki SENYER i deklare: Maler lo zot bann zanfan rebel! Zot fer bann plan ki pa sorti kot mwan. Zot siny bann lalyans ki mon pa aprouve e akimil pese enn lo lot.

Ezai 30:15

La sa ki Senyer BONDYE, Bondye Sen Izrael i deklare: Ou delivrans i dan retour ver mwan e dan silans. Ou lafors i dan trankilite ek konfyans. Me ou'n refize.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 31:2

Pourtan, li i saz e i kapab anmenn maler. I pa sanz son parol; sa ki i dir sanmenm. I leve kont move dimoun e kont sa bann ki konplis dan lemal.

Ezai 37:23

Lekel ki ou'n ensilte e meprize? Kont lekel ou'n lev ou lavwa e lev en regar ensolan? Kont Bondye sen Izrael!

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 41:20

Konmsa, tou dimoun ava kapab war e konnen; zot tou, zot ava kapab obzerve e konpran ki lanmen SENYER ki'n fer tousala, ki Bondye sen Izrael ki'n kree tousala.

Ezai 5:19

Zot dir: Depese SENYER, akoz nou anvi war sa. Proze Bondye sen Izrael pa pou tarde pour ganny akonpli! Nou oule war sa arive.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 57:17

Mon ti ankoler akoz zot ti tro anvye. Alor, mon'n frap zot e mon'n kasyet anba mon lakoler. Me zot ti kontinyen swiv zot move semen dan revolt.

Ezai 58:2

Pourtan, tou le zour zot rod mwan; zot kontan pour konn semen ki mon oule zot swiv, konmsi zot ti en nasyon ki pratik lazistis e ki pa'n abandonn komannman zot Bondye. Zot demann mwan rann bann zizman ki zis, zot anvi retourn kot Bondye.

Ezai 65:11

Me sa bann ki ti abandonn SENYER, ki ti oubliy mon montanny sakre, ki ti dres en latab pour bondye lasans, e ti ofer bondye desten, lakoup en melanz diven,

Ezai 65:3

en pep ki pa arete ofans mwan anfas; ki ofer sakrifis dan bann zarden e bril lansan lo bann brik;

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 2:33

Ou konnen koman fer pour ou ganny en kantite lanmoure. Ou'n menm montre sa bann fanm ou bann vis.

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Zeremi 32:32

Mon pou detri sa lavil, akoz tou sa bann move keksoz ki pep Zida e pep Zerizalenm in komet avek zot bann lerwa, zot bann sef, zot bann pret e zot bann profet.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Zeremi 7:19

Me zot pa ofans mwan vreman. Zot pe fer ditor zot menm e zot pe anmenn laont lo zot menm.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.

Ezekyel 16:33

Bann prostitye i resevwar kado, tandis ki ou, se ou ki ofer kado ou bann galan. Ou peye pour zot vini, sorti dan tou kote, pour dormi avek ou.

Ezekyel 16:45

Ou vreman fiy ou manman ki ti ay son mari ek son prop zanfan. Ou vreman parey ou bann ser ki ti annan laenn pour zot mari ek zot zanfan. Ou manman ti en Hitit e ou papa en Amorit.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Nonm 32:14

Aprezan, zot desandan sa bann zonm peser, zot oule swiv legzanp zot zanset? Zot pare pour fer lakoler SENYER tonm pli for lo pep Izrael?

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Matye 23:33

Zot bann serpan, ras viper! Ki mannyer zot ekspekte sap kondannasyon lanfer?

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Romen 8:7

Si en dimoun i les li ganny kontrole par son natir imen, i vin lennmi Bondye. Annefe, i pa soumet li avek Lalwa Bondye e i menm enkapab fer li.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Deterononm 29:25

Zot ava reponn: Sa ti akoz zot ti'n abandonn lalyans ki SENYER, Bondye zot zanset ti fer avek zot, ler i ti tir zot Lezip.

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Deterononm 32:19

SENYER ti war sa e i ti vekse. I ti rezet son bann garson ek son bann fiy.

Deterononm 32:5

Zot in vin koronpi, zot ki ti ganny kree san defo, en zenerasyon dezenere e fourb.

Kolosyen 1:24

Aprezan, mon trouv mon lazwa dan bann soufrans ki mon pe pas atraver pour zot. Par mon bann soufrans fizik, mon pe kontinyen konplet soufrans lekor Kris, setadir, Legliz.

Revelasyon 18:5

Annefe, son bann pese in akimile ziska oter lesyel. Bondye pa'n oubliy son bann forfe.

Ziz 10:10

Alor, pep Izrael ti kriy ver SENYER, “Nou'n fer pese kont ou, akoz nou'n abandonn nou Bondye pour al ador bann Baal.”