Ezai 1:30 - Labib An Kreol Seselwa

³⁰ Annefe, zot pou vin parey sa bann pye dibwa ki'n perdi zot fey; parey en zarden kot nepli annan delo.

Ezai 1:30 ပူးပေါင်းရင်းမြစ်များ

Zenez 12:6

Kan i ti ariv Kanaan, Abranm ti travers pei ziska Sikenm kot en pye dibwa sakre More. Sa letan, bann Kananeen ti pe reste dan sa pei.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Ezai 64:5

Ou ed sa bann ki fer sa ki byen san ezite, sa bann ki mars dapre ou lalwa. Me ou ti ankoler akoz nou ti fer pese; ou ti kasyet ou akoz nou ti'n transgres ou lalwa.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Zeremi 31:12

Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.

Ezekyel 17:24

Tou pye dibwa dan lakanpanny pou konnen ki mwan menm SENYER. Mon pou abes bann gran pye dibwa. Mon pou elev bann pti pye dibwa. Mon pou fer sek bann pye dibwa ver e fer bann ki sek fleri. Mwan SENYER ki'n koze, mon pou fer li.

Matye 21:19

I ti war en pye fig obor semen. Kan i ti al gete, i ti war zis fey. I ti dir avek sa pye fig, “Ou pa pou zanmen raport fri ankor!” Deswit sa pye fig ti sek.