Ezai 1:3 - Labib An Kreol Seselwa

³ En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 1:3 ပူးပေါင်းရင်းမြစ်များ

Psonm 94:8

Bann fou! Konpran sa. Kan eski zot pou konpran?

Proverb 28:5

Malfeter pa konpran lazistis; me sa enn ki rod SENYER i konpran tou.

Proverb 6:6

Parese! Obzerv en fourmi. Gete koman i viv e ou ava vin saz.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 42:20

I war en kantite keksoz, me i pa fer atansyon. Son zorey i ouver, me i pa tande.

Ezai 44:18

Zot pa konn nanryen; zot pa konpran nanryen. Zot lizye i bouse, zot pa war kler; zot lespri i bornen; zot pa ni war, ni konpran nanryen.

Ezai 5:12

Lanmizik laarp ek lir, tanbouren, laflit ek diven i lakonpannyman dan zot bann lafet. Me zot pa remark sa ki SENYER in fer; ni travay ki son lanmen i'n akonpli.

Ezai 5:13

Pour sa rezon, mon pep pou ganny deporte akoz i pa konpran. Son bann gran zans pou mor lafen e popilasyon antye pou mor laswaf.

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Zeremi 10:14

Zot tro bet e zot pa konpran nanryen ditou. Bann fabrikan zidol i kanmi, akoz sa bann stati ki zot fer i fo; zot napa okenn lavi.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 35:16

Bann desandan Yonadab in obei lord ki zot zanset ti donn zot, me ou mon pep, ou pa'n obei mwan.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 50:6

Mon pep in vin parey en troupo mouton egare; zot berze in anmenn zot lo move semen. In fer zot tourn anron dan montanny; zot in rode partou dan bann kolin, ziska ler zot in oubliye kote zot reste.

Zeremi 8:7

Menm sigonny i konnen kan pour li kit pei. Tourtrel, zirondel ek griv, zot konn sezon pour zot emigre. Me mon pep pa tenir kont bann regleman ki mon'n donn li.

Ezekyel 16:30

Senyer BONDYE i deklare: Fodre ki ou lespri i vreman malad pour ou fer tousala! Ou ti fer tousala koman en prostitye profesyonnel.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Oze 2:8

I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Matye 13:19

Dimoun ki antann koz lo Rwayonm, me ki pa konpran, zot parey bann lagrenn ki tonm lo semen. Dyab i vini e retir tou sa ki'n ganny senmen dan zot leker.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

2 Pyer 3:5

Zot oubliy par ekspre, ki depi byen lontan lesyel ek later in ganny formen par Parol Bondye. Later in sorti dan delo, e in ganny tenir ansanm par delo.