Ezai 1:24 - Labib An Kreol Seselwa

²⁴ La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 1:24 ပူးပေါင်းရင်းမြစ်များ

Zenez 49:24

me in tenir ferm lo son lans. Son lebra in reste daplon. Par lafors Bondye Zakob, ou'n vin Berze e Ros protekter Izrael.

Psonm 132:2

I ti fer sa serman devan SENYER e sa promes avek Bondye Pwisan Zakob:

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 30:29

Zot pou selebre parey dan lafet sakre aswar. Zot leker pou kontan parey ler en dimoun i mars akonpannyen par lanmizik laflit, pour li al lo montanny SENYER, Ros Izrael.

Ezai 35:4

Al dir sa bann ki leker i ranpli avek lafreyer: Reste for! Pa bezwen per! La ou Bondye! I pe vin vanz pour ou, pour rann ou bann lennmi tou dimal ki zot in fer ou. I pou vin sov ou.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Ezai 60:16

Ou pou sis dile bann nasyon, ou pou sis larises bann lerwa. Alor, ou pou konnen ki mwan SENYER, mon ou Sover e ou Liberater, Bondye pwisan Zakob.

Ezai 61:2

pour proklanm lannen faver SENYER e zour vanzans pour nou Bondye, pour konsol tou sa bann ki dan sagren;

Ezai 63:4

Sa zour, vanzans ti dan mon leker; lannen delivrans pour mon pep ti'n arive.

Zeremi 50:34

Me zot defanser i for. Son non i SENYER liniver. I pour entervenir dan zot faver, pour ki i anmenn lape dan pei, me ki i fer tranble bann zabitan Babilonn.

Zeremi 9:9

Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Ezekyel 16:42

Kan mon ava'n satisfer mon lakoler kont ou, mon zalouzi ava arete e mon ava repran mon kalm; mon lakoler ava tonbe.

Ezekyel 21:17

Mwan osi, mon pou tap koudpwen. Mon pou satisfer mon lakoler. Mwan, SENYER, mon'n koze.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Ezekyel 5:13

Mon pou les mon lakoler azir e vanze kont zot, ziska ki mon ganny satisfaksyon. Kan mon lakoler ava'n fini avek zot, zot ava konnen ki mwan SENYER ki'n koze; mon zalou.

Mise 5:15

Apre, avek en gran lakoler, mon pou tir vanzans lo bann nasyon ki pa'n obei mwan.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 32:43

Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.

Ebre 10:13

Aprezan, i pe espere ki Bondye i soumet son bann lennmi anba son lipye.

Revelasyon 18:8

Pour sa rezon, dan en sel zour, son bann fleo, lanmor, dey ek lafanmin, pou tonm lo li. I pou ganny zete dan dife. Annefe, Senyer Bondye ki ziz li, i pwisan.