Ezai 1:17 - Labib An Kreol Seselwa

¹⁷ Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Ezai 1:17 ပူးပေါင်းရင်းမြစ်များ

Psonm 34:14

Aret fer sa ki mal, pratik sa ki byen; rod lape e met li an pratik.

Egzod 22:21

Fodre pa maltret ni kraz en etranze, akoz zot menm, zot ti bann etranze Lezip.

Proverb 15:25

SENYER i detri lakaz sa enn ki vantar; me i protez propriyete en vev.

Proverb 21:3

SENYER i prefer ladrwatir ek lazistis, plito ki bann sakrifis.

Proverb 31:9

Koze! Ziz avek lazistis. Defann lakoz bann pov ek bann dezerite.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 10:2

Zot anpes dimoun ganny lazistis. Zot priv bann pov zot drwa. Zot vol bann vev e depouy bann orfelen!

Ezai 56:1

La sa ki SENYER i deklare: Gard lazistis, e pratik sa ki drwat, akoz mon delivrans i pros pou arive. Mon plan pour sov ou pou ganny devwale.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Ezekyel 18:31

Abandonn sa bann move aksyon ki ou'n komet kont mwan. Rod en nouvo leker ek en nouvo lespri. Pep Izrael, akoz ou oule lanmor?

Ezekyel 22:7

Parmi zot, napa respe pour zot papa ek zot manman; bann etranze i ganny kraze avek lenzistis; bann orfelen ek bann vev i ganny eksplwate.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Zakari 8:16

La sa ki zot devre fer: Koz laverite avek ou prosen; devan tribinal, rann bann zizman korek.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.