Ezai 1:14 - Labib An Kreol Seselwa

¹⁴ Mon deteste zot bann lafet nouvellin ek zot bann rasanbleman. Tousala in vin en fardo pour mwan; mon nepli kapab siporte.

Ezai 1:14 ပူးပေါင်းရင်းမြစ်များ

1 Kronik 23:31

e osi sak fwa ki sakrifis i ganny ofer, bann zour Saba, premye zour le mwan ek lezot zour lafet. Zot ti bezwen prezan sak fwa ki ti bezwen zot, dapre bann regleman pour servis SENYER.

Ezai 29:1

Maler lo Ariel! Ariel, lavil ki David ti atake! Ou kapab selebre tou festival lannen apre lannen.

Ezai 29:2

Mon pou kraz ou Ariel. Ou pou konn zis plere ek lamante; ou ava pour mwan parey en lotel kot ou bril sakrifis.

Ezai 43:24

Ou pa'n depans larzan pour aste bann plant parfimen pour mwan. Ou pa'n fer mwan rasazye ek lagres ou bann sakrifis. Me ou'n fer mwan vin lesklav ou bann pese; ou'n fatig mwan avek ou bann move aksyon.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Ezai 66:23

Tou dimoun pou vin ador mwan sak nouvellin, sak saba. SENYER ki deklare.

Ezai 7:13

Alor Ezai ti dir: Ekoute, zot bann desandan lerwa David! I pa ase ki zot fatig zonm? Fodre ki zot osi fatig mon Bondye?

Oze 2:11

Mon pou fer arete son bann lanmizman, son bann lafet, son bann lafet nouvellin, son bann saba ek tou lezot seremoni.

Oze 5:7

Zot pa'n fidel avek SENYER, akoz zot bann zanfan ilezitim. Aprezan, nouvellin pou devor zot avek zot plantasyon.

Amos 2:13

Aprezan, mon pou kraz ou parey en saret ranpli avek dible ki kraz tou keksoz kot i pase.

Amos 5:21

Mon deteste zot bann pelrinaz; Mon pa siport zot bann rasanbleman. Mon nepli kapab siport zot bann rasanbleman.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Malasi 2:17

Zot in fatig SENYER avek zot bann koze. Pourtan, zot demande: Ki mannyer nou'n fatig li? Zot fatig li kan zot dir: SENYER i aksepte tou bann malfeter e i kontan zot. Oubyen kan zot demande: Oli sa Bondye ki fer lazistis?