Ester 9:4 - Labib An Kreol Seselwa

⁴ Annefe, Mardose ti annan bokou pouvwar dan pale rwayal; amezir ki i ti vin deplizanpli pwisan, son renonmen ti kouver tou bann provens.

Ester 9:4 ပူးပေါင်းရင်းမြစ်များ

2 Samyel 3:1

Lager ti kontinyen pandan lontan ant group ki siport Sail ek group ki siport David. David ti vin deplizanpli for, tandis ki lafanmir Sail ti afebli.

1 Kronik 11:9

David ti vin deplizanpli pwisan; SENYER liniver ti avek li.

1 Kronik 14:17

Renonmen David ti fannen dan pei antye e SENYER ti fer tou bann nasyon per li.

Ester 10:2

Tou son bann aksyon ekstraordiner e kouraze, mannyer in donn promosyon Mardose, in ganny rakonte dan Liv Listwar bann Lerwa Medi ek Lapers.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 18:43

Ou delivre mwan kont soulevman lepep. Ou fer mwan sef bann nasyon. En pep ki mon pa konnen in vin mon serviter.

Psonm 92:13

I parey en pye dibwa ki'n ganny plante dan tanp SENYER. I fleri dan lakour tanp nou Bondye.

Egzod 11:3

SENYER ti fer bann Ezipsyen byen konsider bann Izraelit pour donn zot faver. An plis, Moiz ti ganny konsidere koman en dimoun enportan dan Lezip. Bann lantouraz Faraon ti annan gran respe pour li.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Sofoni 3:19

Dan sa lepok, mon pou pini bann ki maltret ou. Mon pou sov sa enn ki bwete. Mon pou rasanble bann ki'n ganny disperse. Mon pou retabli zot loner e fer zot renonmen dan tou bann pei kot zot ti onte.

Matye 4:24

Son renonmen ti fannen partou dan Lasiri antye. Zot ti anmenn kot li bann ki ti annan toudsort maladi e ki ti pe soufer: Bann ki ti posede par demon, bann ki ti annan bebelouka ek bann ki ti paralize. Zezi ti geri zot tou.

Zozye 6:27

SENYER ti avek Zozye, e son renonmen ti gran atraver pei antye.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.