Ester 9:3 - Labib An Kreol Seselwa

³ Tou bann fonksyonner enportan dan bann provens, bann reprezantan lerwa, bann gouverner ek bann zofisye lerwa ti pe siport bann Zwif, akoz zot ti'n per Mardose.

Ester 9:3 ပူးပေါင်းရင်းမြစ်များ

Esdras 2:2

Zot ti retourn ansanm avek Zorobabel, Zozye, Nehemi, Seraya, Reelaya, Mardose, Bilsann, Mispar, Bigvai, Rehoum ek Baana. La lalis bann zonm ki form bann group dan pep Izrael:

Esdras 8:36

Answit, zot ti delivre lord lerwa avek bann gouverner apwente par lerwa ek lezot gouverner lo lot kote larivyer Efrat, ki ti donn sipor pep Izrael ek tanp Bondye.

Ester 3:12

Trezyenm zour premye mwan, bann sekreter lerwa ti ganny konvoke. Parey sa ki Haman ti'n ordonnen, en lord ti ganny ekri e anvoye kot tou bann reprezantan lerwa e bann gouverner dan tou bann provens e kot tou bann sef parmi lepep, kot sak nasyon dapre son lekritir ek son langaz. Sa lord ti'n ganny ekri e sinyen o non lerwa Zerzes e sele avek stanp lerwa.

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Ester 8:5

e Ester ti leve e debout devan lerwa. I ti dir, “Si mon ganny faver lerwa, si i fer plezir lerwa e si lerwa i trouve ki sa i byen, mon demande ki en lord i ganny ekri pour anil bann let ki'n ganny ekri par Haman, garson Hamedata en desandan Agag, pour fer masakre bann Zwif ki viv dan tou bann provens lerwa.

Ester 8:9

Sa menm zour, venntrwazyenm zour dan trwazyenm mwan ki mwan Sivan, bann sekreter lerwa ti ganny konvoke. En lalwa ti ganny ekri lo tou sa ki Mardose ti dir konsernan bann Zwif, e adrese avek bann reprezantan lerwa, bann gouverner ek bann fonksyonner enportan dan tou bann provens, depi Lenn ziska Letyopi; 127 provens an tou, sak provens dapre son prop lekritir e sak pep dan son prop langaz e pour tou bann Zwif osi, dapre zot prop lekritir e zot prop langaz.

Danyel 3:2

Apre, lerwa Naboukodonozor ti rasanble tou bann sef, gouverner, konseye, trezorye, ziz, mazistra, e tou bann zofisye dan bann provens, pour dedikas sa stati ki lerwa ti'n fer.