Ester 9:27 - Labib An Kreol Seselwa

²⁷ bann Zwif ti etabli e aksepte sa koutim ki pa devre zanmen sanze pour zot e zot bann desandan ki ava vin Zwif: San fot, zot pou gard sa de zour, dapre sa ki'n ganny ekri e dan menm lepok sak lannen.

Ester 9:27 ပူးပေါင်းရင်းမြစ်များ

Ester 8:17

Dan sak provens e dan sak lavil, partou kot lord ek lalwa lerwa ti arive, bann Zwif ti dan lazwa; ti en zour lafet. Bokou parmi lepep dan pei ti deklar zot Zwif, akoz zot ti'n per bann Zwif.

Ester 9:20

Mardose ti ekri tousala dan bann let ki i ti anvoy kot tou bann Zwif dan tou provens lerwa Zerzes, pre ou lwen.

Ester 9:21

I ti demann zot obzerv katorzyenm zour mwan Adar ensi ki kenzyenm zour sa mwan, toulezan,

Ester 9:28

Zot devre rapel sa bann zour e i devre ganny obzerve zenerasyon apre zenerasyon, dan sak fanmir, provens, lavil. Sa bann zour Pourim pa devre zanmen ganny abandonnen parmi bann Zwif; son lobzervasyon pa devre ganny abandonnen parmi zot desandans.

Psonm 78:7

Zot ava met zot lespwar dan Bondye; zot pa pou oubliy tou sa ki Bondye in fer, me zot ava obei son komannman.

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Ezai 56:3

Pa les sa etranze ki'n atas li avek SENYER dir: SENYER pou sirman separ mwan avek son pep. Pa les en enik dir: Mon'n vin en pye dibwa sek.

Ezai 56:6

Bann etranze ki'n atas zot avek SENYER, ki onor li, ki kontan non SENYER, ki vin son serviter, zot tou ki obzerv saba e pa dezonor li, ki gard fidelman mon lalyans,

Ezekyel 16:61

Ou ava rapel tou sa ki ou'n fer e ou ava onte kan ou ava resevwar ou gran ser ek ou pti ser; mon pou fer zot vin ou bann fiy. Me sa napa okenn rapor ant mon lalyans ek ou.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Nonm 15:15

Pou annan en menm regleman pour zot kominote e pour bann etranze ki parmi zot. Sa i pou en re-gleman pour touzour.

Deterononm 5:3

SENYER pa ti fer sa lalyans avek nou bann zanset, me avek nou tou isi ki ankor vivan ozordi.

Zozye 9:15

Zozye ti fer lape e fer en trete avek zot konmkwa i pou gard zot vivan. Bann responsab lakominote ti pret serman.

Ziz 11:40

Toulezan, pandan kat zour, bann zenn fiy dan Izrael, zot al selebre fiy Zefte ki sorti Galaad.

1 Samyel 30:25

Depi sa zour, sa ti vin en lalwa e en regleman pour pep Izrael.