Ester 9:10 - Labib An Kreol Seselwa

¹⁰ ki ti 10 garson Haman, garson Hamedata, lennmi bann Zwif; me zot pa ti fer okenn piyaz.

Ester 9:10 ပူးပေါင်းရင်းမြစ်များ

Zenez 14:23

Mon pa pou pran ni en bren difil, ni en baret sandal, ni nanryen ki pour ou. Konmsa, ou pa pou kapab dir: Mwan ki'n fer Abranm ris.

Zenez 34:27

Bann garson Zakob ti touy sa bann dimoun e detri zot lavil, akoz zot ser ki ti'n ganny vyole.

Ester 3:1

En pe letan apre sa bann levennman, lerwa Zerzes ti donn promosyon Haman, garson Hamedata, en Agagit: I ti donn li en pozisyon par lao tou bann o zofisye dan son ran.

Ester 3:13

Sa bann let ki ti ganny anvoye par bann mesaze dan tou bann provens, ti donn lord pour detri, touye e fer disparet tou Zwif, zenn koman vye, fanm ek zanfan, dan en sel zour: Trezyenm zour, dan douzyenm mwan, ki mwan Adar. Permisyon pour fer piyaz zot bann byen ti ganny donnen.

Ester 5:11

Haman ti rakont zot splander son larises, kantite garson ki i annan e bann loner ki lerwa in fer li avek son promosyon ki plas li par lao bann o zofisye ek bann minis dan lakour lerwa.

Ester 7:4

Annefe, nou'n ganny vann. Mwan avek mon pep, nou pou ganny detri, touye e eksterminen. Si nou ti'n ganny vann, zonm ek fanm, zis koman lesklav, mon ti ava'n reste trankil. Akoz i pa ti vo lapenn deranz lerwa pour en tel domaz.”

Ester 7:6

Ester ti reponn, “Sa ladverser, sa lennmi, se Haman, sa move zonm!” Haman ti konmans tranble devan lerwa ek larenn.

Ester 8:11

Par sa bann let, lerwa ti otoriz bann Zwif dan tou bann lavil pour rasanble e defann zot lavi pour detri, touye, e pour ekstermin nenport troup larme lepep, oubyen larme bann provens ki persekit zot avek zot fanm ek zot fanmir. Zot ti annan osi drwa fer piyaz zot bann byen

Ester 9:11

Son menm zour, lakantite dimoun ki ti ganny touye dan lavil kapital Siz, ti ganny raporte avek lerwa.

Ester 9:9

Parmasta, Arizai, Aridai ek Vaizata,

Psonm 21:10

I pou fer disparet zot desandans lo later ek zot posterite parmi zabitan later.

Egzod 17:16

I ti dir, “Akoz en lanmen in leve kont tronn SENYER, SENYER pou touzour fer lager kont bann Amalesit.”

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Danyel 6:24

Lerwa ti ordonnen ki bann ki ti'n akiz Danyel, zot ganny anmennen e ganny zete dan kavern lyon, zot, zot zanfan ek zot fanm. Avan menm ki zot ti ariv dan fon lafos, bann lyon ti sot lo zot e kraz zot bann lezo.

Romen 12:17

Pa rann personn mal pour mal. Me fer tou sa ki posib pour fer sa ki byen devan tou dimoun.

Filipyen 4:8

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.