Ester 8:5 - Labib An Kreol Seselwa

⁵ e Ester ti leve e debout devan lerwa. I ti dir, “Si mon ganny faver lerwa, si i fer plezir lerwa e si lerwa i trouve ki sa i byen, mon demande ki en lord i ganny ekri pour anil bann let ki'n ganny ekri par Haman, garson Hamedata en desandan Agag, pour fer masakre bann Zwif ki viv dan tou bann provens lerwa.

Ester 8:5 ပူးပေါင်းရင်းမြစ်များ

Ester 2:17

Lerwa ti kontan Ester plis ki tou lezot fanm, e parmi tou bann zenn fiy vyerz, i ti ganny faver lerwa. Alor, lerwa ti plas kouronn rwayal lo son latet e fer li larenn dan plas Vasti.

Ester 2:4

Sa zenn fiy ki lerwa ava pli kontan, ava vin larenn dan plas Vasti.” Sa propozisyon ti fer plezir lerwa e i ti swiv.

Ester 3:1

En pe letan apre sa bann levennman, lerwa Zerzes ti donn promosyon Haman, garson Hamedata, en Agagit: I ti donn li en pozisyon par lao tou bann o zofisye dan son ran.

Ester 5:8

Si lerwa i kontan pour fer mwan en faver e si lerwa i pare pour aksepte mon demann ek akonpli mon reket, mon ti ava kontan ki lerwa avek Haman zot retourn demen pour en festen ki mon pou prepare pour zot; demen, mon ava fer lerwa konn mon demann.”

Ester 7:3

Alor, larenn Ester ti reponn, “Mazeste, si mon ganny ou faver e si i fer plezir lerwa, la mon demann: Sov mon lavi; la mon reket: Sov lavi mon pep.

Egzod 33:13

Alor SENYER, si mon'n resevwar ou faver, montre mwan ou semen, pour ki mon ava konn ou e resevwar ou faver. Pa oubliye ki sa nasyon i ou pep.”

Egzod 33:16

Ki mannyer lezot pou konnen ki nou ou pep ki ou'n swazir? Nou diferan avek lezot pep lo later.”

1 Samyel 20:29

I ti dir: Les mwan ale. I annan en sakrifis lafanmir laba e mon frer in ensiste pour mwan la. Alor, si ou mon bon zanmi, les mwan ale, e mon ava war mon bann frer. Se pour sa rezon ki i absan lo latab lerwa.”