Ester 8:15 - Labib An Kreol Seselwa

¹⁵ Mardose ti sorti devan lerwa abiye dan labi rwayal kouler ble e blan avek en gro kouronn annor, en gran manto an linenn fen, kouler rouz fonse. Dan lavil Siz, ti annan tapaz ek selebrasyon.

Ester 8:15 ပူးပေါင်းရင်းမြစ်များ

Zenez 41:42

Apre, Faraon ti tir son bag dan son ledwa e met dan ledwa Zozef. I ti met li zoli lenz linenn ek en kolye annor dan son likou.

Ester 1:6

Ti annan bann rido latwal koton kouler blan ek ble, atase avek bann kordon an linenn blan e vyolet, ki'n pas dan bann bag annarzan, fikse avek bann kolonn an marb. Ti annan osi bann divan annor e annarzan lo en pave mozaik an marb, nak ek marb nwanr.

Ester 10:2

Tou son bann aksyon ekstraordiner e kouraze, mannyer in donn promosyon Mardose, in ganny rakonte dan Liv Listwar bann Lerwa Medi ek Lapers.

Ester 3:15

Bann mesaze ti al toudswit, lo lord lerwa. Dekre ti ganny pibliye dan Siz, lavil kapital. Lerwa avek Haman ti asize pour bwar, tandis ki lavil Siz ti dan boulvers.

Ester 5:1

Son trwazyenm zour, Ester ti met bann lenz rwayal e antre dan lakour enteryer pale rwayal vizavi pale. Lerwa ti pe asiz lo son tronn rwayal dan pale vizavi lantre.

Ester 5:11

Haman ti rakont zot splander son larises, kantite garson ki i annan e bann loner ki lerwa in fer li avek son promosyon ki plas li par lao bann o zofisye ek bann minis dan lakour lerwa.

Ester 6:11

Alor, Haman ti pran sa vetman ek sa seval, abiy Mardose, e fer li travers laplas piblik dan lavil e proklanmen: La sa ki fodre fer pour sa zonm ki lerwa i annan gran plezir fer loner.

Ester 6:8

fodre anmenn labi rwayal ki lerwa i mete, en seval ki lerwa i monte, avek en kouronn rwayal lo son latet.

Ester 8:14

Alor, bann mesaze, lo bann seval deras ki ganny swannyen dan lekiri lerwa, ti depese lo lord lerwa. Sa lalwa ti ganny kominike dan lavil kapital Siz.

Proverb 11:10

Lavil i dan lazwa, ler bann dimoun ki zis i ere. Zot kontan, ler bann malfeter i disparet.

Proverb 28:12

I en gran loner kan sa enn ki zis i triyonfe; me kan en malfeter i reisi, tou dimoun i al kasyet.

Proverb 29:2

Ler i annan bokou dimoun ki azir byen, lepep i dan lazwa; me si en diktater ki o pouvwar, lepep i plennyen.

Matye 11:8

Alor, ki zot ti al war? En zonm abiye dan zoli lenz? Me dimoun ki abiye dan zoli lenz i reste dan bann pale.

Matye 6:29

Pourtan, mon dir zot: Menm Salomon dan tou son mazeste, pa ti osi byen abiye ki en sel sa bann lis.

Levanzil dapre Lik 16:19

“En fwa, ti annan en zonm ris ki ti touzour abiy dan bann zoli lenz ser, fer avek pli zoli latwal linenn fen. I ti pe fer lafet tou le zour.