Ester 7:9 - Labib An Kreol Seselwa

⁹ Enn bann enik, Harbona, ti dir lerwa, “Mazeste! Sa lesafo 25 met oter ki Haman ti'n prepare pour fer pann Mardose ki ti sov lavi lerwa, in pare kot Haman.” Lerwa ti dir, “Pann li lo la.”

Ester 7:9 ပူးပေါင်းရင်းမြစ်များ

2 Rwa 9:32

I ti lev latet ver lafnet e dir, “Lekel ki avek mwan? Lekel?” De ou trwa zonm konfyans ti get li.

Ester 1:10

Setyenm zour lafet, kan i ti'n konmans soule avek diven, lerwa ti apel Mehoumann, Bizta, Harbona, Bigta, Abagta, Zetar ek Karkas, set enik ki ti dan servis lerwa Zerzes.

Ester 5:14

Alor, Zeres, son fanm, ek tou son bann zanmi ti dir li, “Fer en lesafo 25 met oter e demen bomaten ou ava demann lerwa pour ki Mardose i ganny pann. Apre, ou ava kapab al ou festen avek lerwa dan lazwa.” Sa konsey ti fer plezir Haman, e i ti fer mont son lesafo.

Ester 6:14

Zot ti ankor pe koze, ler bann enik lerwa ti arive. Zot ti depese pour anmenn Haman kot festen ki Ester ti'n prepare.

Ester 6:2

Zot ti lir kot i rakonte koman Mardose ti koz lo size Bigtan ek Teres, sa de enik ki ti gardyen laport e ki ti'n fer konplo pour touy lerwa.

Ester 8:7

Lerwa Zerzes ti dir larenn Ester ek Zwif Mardose, “Mon'n donn Ester lakaz Haman e zot in pann li lo lesafo akoz i ti oule fer ditor bann Zwif.

Ester 9:14

Alor, lerwa ti ordonnen ki zot fer li. En lord ti ganny pibliye dan Siz e sa 10 garson ti ganny pann.

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

Psonm 141:10

Sa bann dimoun ava tonm dan zot prop latrap. Me mwan, mon pou kapab sape.

Psonm 35:8

Fer en gran maler tonm lo zot par sirpriz. Fer zot tonm dan zot prop latrap e zot ava ganny detri.

Psonm 73:19

En sel kou, zot ti ganny detri; zot fini, lafreyer i balye zot.

Danyel 6:24

Lerwa ti ordonnen ki bann ki ti'n akiz Danyel, zot ganny anmennen e ganny zete dan kavern lyon, zot, zot zanfan ek zot fanm. Avan menm ki zot ti ariv dan fon lafos, bann lyon ti sot lo zot e kraz zot bann lezo.

Danyel 6:7

Tou bann sef ou rwayonm, bann administrater, bann gouverner, bann konseye, ek bann zofisye, in tonm dakor pour pibliy sa lord: Okenn dimoun, ki pandan 30 zour, i adres lapriyer anver okenn lot bondye oubyen et imen, apard ou, Mazeste, ava ganny zete dan kavern lyon.

1 Samyel 17:51

David ti tay kot sa Filisten, pran son lepe, tir li dan son fouro e touy li avek; i ti koup son likou avek sa lepe. Ler bann Filisten ti war ki zot ero ti'n mor, zot ti sove.