Ester 7:10 - Labib An Kreol Seselwa

¹⁰ Alor, zot ti pann Haman lo lesafo ki i ti'n prepare pour pann Mardose. Apre, lakoler lerwa ti tonbe.

Ester 7:10 ပူးပေါင်းရင်းမြစ်များ

Zenez 40:22

Me Faraon ti fer pann sef patisye, parey lenterpretasyon ki Zozef ti'n donnen.

Ester 2:1

Apre sa bann levennman, ler lakoler lerwa Zerzes ti'n tonbe, i ti mazin Vasti, sa ki i ti'n fer e desizyon ki i ti'n pran kont li.

Ester 5:14

Alor, Zeres, son fanm, ek tou son bann zanmi ti dir li, “Fer en lesafo 25 met oter e demen bomaten ou ava demann lerwa pour ki Mardose i ganny pann. Apre, ou ava kapab al ou festen avek lerwa dan lazwa.” Sa konsey ti fer plezir Haman, e i ti fer mont son lesafo.

Ester 7:7

Dan son lakoler, lerwa ti kit festen e al dan zarden pale. Me Haman ti reste pour li sipliy larenn Ester pour sov son lavi, akoz i ti'n realize ki lerwa ti'n fini deside detri li.

Ester 7:8

Kan lerwa ti rantre sorti dan zarden pale e retourn dan lasal festen, Haman ti'n tonm lo divan kot Ester ti'n akroupi. Lerwa ti kriye, “Eski i pou oze atak larenn devan mwan, kot mwan?” Apenn ki lerwa ti'n dir sa bann parol, ki zot ti kouver latet Haman.

Ester 8:7

Lerwa Zerzes ti dir larenn Ester ek Zwif Mardose, “Mon'n donn Ester lakaz Haman e zot in pann li lo lesafo akoz i ti oule fer ditor bann Zwif.

Ester 9:14

Alor, lerwa ti ordonnen ki zot fer li. En lord ti ganny pibliye dan Siz e sa 10 garson ti ganny pann.

Ester 9:25

Me kan Ester ti prezant li devan lerwa, lerwa ti donn lord par ekri, ki sa konplo prepare par Haman, i retonm lo li menm; ki Haman avek son bann garson, zot ganny pann lo lesafo.

Liv Zob 18:8

Son prop lipye pou anmenn li dan en lasenn, e i deza pe mars dan son bann may.

Liv Zob 20:8

I pou disparet parey en rev, i pa pou retournen. I pou disparet parey en vizyon dan lannwit.

Psonm 37:15

Me zot pou ganny touye avek zot prop lepe e zot dart pou kase.

Psonm 7:16

Maler ki zot ti'n prepare i retonm lo zot. Zot bann kou vyolan i retonm lo zot prop latet.

Psonm 94:23

I pou fer zot pey pour zot bann krim. I pou detri zot pour zot prop mesanste. SENYER nou Bondye pou detri zot.

Proverb 11:27

Sa enn ki rod fer dibyen i ganny faver; me maler i tonm lo sa enn ki rod fer dimal.

Proverb 11:8

Sa enn ki zis i ganny delivre dan son traka; malfeter i vin pran son plas.

Proverb 26:27

Sa enn ki fouy en trou pour tonm ladan; ros i tonm lo sa enn ki'n roul li.

Zeremi 34:17

Alor, la sa ki SENYER i deklare: Zot pa'n obei mwan, akoz zot pa'n liber zot frer e zot prosen, parey mon ti'n ordonn zot. Pour sa rezon, mon pou rann ou lib: Ou pou lib pour ou ganny detri dan lager, par lepidemi ek lafanmin. SENYER ki deklare. Alor, tou bann rwayonm lo later pou tranble avek lafreyer kan zot ava war ou.

Ezekyel 5:13

Mon pou les mon lakoler azir e vanze kont zot, ziska ki mon ganny satisfaksyon. Kan mon lakoler ava'n fini avek zot, zot ava konnen ki mwan SENYER ki'n koze; mon zalou.

Danyel 6:24

Lerwa ti ordonnen ki bann ki ti'n akiz Danyel, zot ganny anmennen e ganny zete dan kavern lyon, zot, zot zanfan ek zot fanm. Avan menm ki zot ti ariv dan fon lafos, bann lyon ti sot lo zot e kraz zot bann lezo.

Danyel 6:25

Apre sa, lerwa Dariis ti ekri tou bann pep, tou nasyon dan diferan pei e tou langaz atraver later antye: Mon swete ki zot ava ganny en gran lape!

Zakari 6:8

Apre sa, lanz ti kriy avek mwan: Gete! Bann seval ki pe al dan Nor pei in met mon lespri anpe dan sa rezyon.

Ziz 15:7

Sanmson ti dir zot, “Akoz zot i azir konmsa, mon pa pou anpe tan ki mon pa vanz zot.”