Ester 6:3 - Labib An Kreol Seselwa

³ Lerwa ti demande, “Ki promosyon oubyen distenksyon Mardose ti gannyen pour sa?” Bann enik ti reponn, “Nanryen pa'n ganny fer pour li.”

Ester 6:3 ပူးပေါင်းရင်းမြစ်များ

Zenez 40:23

Pourtan, responsab labwason lerwa ti oubliy koz lo Zozef.

1 Kronik 11:6

David ti dir, “Premye dimoun ki touy en Zebizit ava vin sef e komandan.” Zoab, garson Serouya ti mont premye pour atake. Alor i ti vin sef.

Ester 6:2

Zot ti lir kot i rakonte koman Mardose ti koz lo size Bigtan ek Teres, sa de enik ki ti gardyen laport e ki ti'n fer konplo pour touy lerwa.

Ester 6:4

Lerwa ti demande, “Lekel fonksyonner ki dan lakour?” Haman ti'n fek antre dan lakour eksteryer pale lerwa pour demann lerwa fer pann Mardose lo sa lesafo ki i ti'n prepare pour li.

Eklezyas 9:15

Ti annan en zonm pov me saz ki ti sov sa lavil par son lasazes; personn pa ti rapel sa zonm pov.

Danyel 5:16

Me, mon'n aprann ki ou kapab donn lenterpretasyon e rezoud bann problenm difisil. Aprezan, si ou kapab lir sa lekritir e donn mwan son lenterpretasyon, ou ava ganny abiye dan en rob rouz, ou ava ganny en kolye annor otour ou likou e ou ava okip trwazyenm plas dan gouvernman mon rwayonm.”

Danyel 5:29

Deswit apre, Baltazar ti donn lord pour abiy Danyel dan en lenz rouz, met en kolye annor otour son likou, e proklanm li trwazyenm personnaz dan gouvernman son rwayonm.

Danyel 5:7

Lerwa ti kriye avek tou son lafors, pour apel bann savan, bann mazisyen, bann deviner. I ti dir avek bann savan Babilonn: Sa enn ki kapab lir sa ki'n ganny ekri e dir mwan son lenterpretasyon, pou ganny met en rob rwayal rouz, en kolye annor otour son likou, e i ava ganny trwazyenm plas dan gouvernman mon rwayonm.