Ester 6:12 - Labib An Kreol Seselwa

¹² Apre, Mardose ti retourn dan son plas dan pale rwayal, tandis ki Haman ti depese pour retourn se li, tou kanmi, e latet kouver.

Ester 6:12 ပူးပေါင်းရင်းမြစ်များ

2 Samyel 15:30

David ti monte dan direksyon montanny Olivye. I ti monte an pleran, latet kouver; i ti pe mars pyeni; tou sa ki ti avek li ti osi kouver latet, e zot ti monte an pleran.

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

1 Rwa 20:43

Lerwa Izrael ti rantre se li Samari ankoler e tre mekontan.

1 Rwa 21:4

Akab ti retourn kot li ankoler, mekontan, akoz sa ki Nabot, sa zabitan Zizreel ti'n dir li: Mon pa pou donn ou patrimwann mon bann zanset. I ti al alonze lo son lili, vir son figir dan kwen e refize manze.

1 Rwa 21:6

I ti reponn, “Mon'n esey koz avek Nabot, en zabitan Zizreel. Mon ti dir li: Donn mwan ou plantasyon rezen, e mon ava pey ou avek larzan oubyen si ou prefere, mon ava donn ou en lot plantasyon annesanz. I ti reponn mwan: Mon pa pou donn ou mon plantasyon rezen.”

2 Kronik 26:20

Gran-Pret Azarya ek lezot pret ti get li e zot ti war lalep lo son fron. Zot ti depese met li deor. Li menm Ozyas, ti prese pour ale, akoz i ti santi ki SENYER ti'n pini li.

Ester 2:19

Kan tou bann zenn fiy ti ganny rasanble pour dezyenm fwa, Mardose ti'n ganny apwente dan en pozisyon, par lerwa.

Ester 6:11

Alor, Haman ti pran sa vetman ek sa seval, abiy Mardose, e fer li travers laplas piblik dan lavil e proklanmen: La sa ki fodre fer pour sa zonm ki lerwa i annan gran plezir fer loner.

Ester 7:8

Kan lerwa ti rantre sorti dan zarden pale e retourn dan lasal festen, Haman ti'n tonm lo divan kot Ester ti'n akroupi. Lerwa ti kriye, “Eski i pou oze atak larenn devan mwan, kot mwan?” Apenn ki lerwa ti'n dir sa bann parol, ki zot ti kouver latet Haman.

Liv Zob 20:5

boner bann malfeter pa dire; e ki lazwa en malfeter i kourt?

Liv Zob 9:24

I les dimoun malonnet pran pouvwar lo later. I ferm lizye bann ziz. Si pa Bondye ki fer sa, dir mwan lekel alor!

1 Samyel 3:15

Samyel ti dormi ziska bomaten. Ler i ti leve, i ti ouver bann laport tanp. I ti per pour rakont son vizyon avek Eli.