Ester 5:14 - Labib An Kreol Seselwa

¹⁴ Alor, Zeres, son fanm, ek tou son bann zanmi ti dir li, “Fer en lesafo 25 met oter e demen bomaten ou ava demann lerwa pour ki Mardose i ganny pann. Apre, ou ava kapab al ou festen avek lerwa dan lazwa.” Sa konsey ti fer plezir Haman, e i ti fer mont son lesafo.

Ester 5:14 ပူးပေါင်းရင်းမြစ်များ

2 Samyel 16:21

Ahitofel ti dir Absalon, “Al dormi avek bann menazer ki ou papa in kite pour gard pale. Konmsa, tou dimoun parmi pep Izrael ava konnen sa ki'n arive, e sa ava donn kouraz sa bann ki lo ou kote.”

1 Rwa 21:25

Personn pa ti ganny otan plezir pour depler SENYER ki Akab; son fanm Zezabel ki ti enstig li.

1 Rwa 21:7

Zezabel, son fanm, ti dir li, “Pa ou ki lerwa lo Izrael? Leve, manze e rann ou leker zwaye; mwan, mon pou donn ou plantasyon rezen ki pour Nabot, sa Zizreelit.”

Ester 6:4

Lerwa ti demande, “Lekel fonksyonner ki dan lakour?” Haman ti'n fek antre dan lakour eksteryer pale lerwa pour demann lerwa fer pann Mardose lo sa lesafo ki i ti'n prepare pour li.

Psonm 37:14

Bann malfeter i tir zot lepe; zot prepar zot dart pour touy sa enn ki pov e ki malere, pour touy sa enn ki mars lo bon semen.

Psonm 37:32

En malfeter i espyonn sa enn ki zis; i rode ki mannyer pour touy li.

Psonm 9:15

Bann nasyon in tonm dan trou ki zot ti'n fouye; zot in pri dan latrap ki zot ti'n mete.

Proverb 1:18

Me sa bann zans i poz en latrap pour zot prop maler; zot zet en lasenn kont zot prop lavi.

Proverb 4:16

Bann malfeter pa pou dormi, si zot pa'n fer sa ki mal. Zot perdi sonmey, si zot pa fer personn tonbe.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 3:15

Zot depese pour fer disan koule.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.