Ester 3:8 - Labib An Kreol Seselwa

⁸ Apre, Haman ti dir lerwa Zerzes, “I annan en serten pep apar, disperse parmi bann pep, dan tou bann provens ou rwayonm. Zot bann lalwa i diferan avek bann lalwa tou lezot pep, e zot pa obei bann lord lerwa. Napa okenn rezon pour lerwa toler sa bann zans.

Ester 3:8 ပူးပေါင်းရင်းမြစ်များ

Esdras 4:6

O konmansman renny lerwa Zerzes, zot ti ekri en let lakizasyon kont bann zabitan Zida ek Zerizalenm.

Nehemi 1:8

Mazin sa parol ki ou ti dir avek ou serviter Moiz: Si zot pa reste fidel, mon pou dispers zot parmi bann pep.

Ester 3:9

Si lerwa i war bon, fer pibliy en dekre ki ordonn zot destriksyon, e mwan, mon ava pey 300 tonn larzan, dan lanmen bann zofisye ki ansarz ladministrasyon bann zafer lerwa, pour depoz dan trezor lerwa.”

Ester 4:1

Kan Mardose ti tande tou sa ki ti'n ganny fer, i ti desir son lenz, met lenz dey ek lasann. I ti al partou dan lavil e pous bann kriy gro douler.

Zeremi 33:24

Eski ou pa'n antann sa pep dir ki mon'n rezet Izrael ek Zida, sa de fanmir ki mon ti'n swazir? Dimoun ki koz konmsa, zot mepriz mon pep, e zot nepli konsider li koman en nasyon.

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Ezekyel 11:16

Alor, ou ava dir zot: La sa ki Senyer BONDYE i deklare: Menm si mon'n dispers zot lwen dan bann pei, parmi bann nasyon etranze, mon'n touzour reste prezan en pe letan parmi zot dan bann pei partou kot zot in ale.

Ezekyel 6:8

“Mon pou sepandan les serten parmi zot sirviv sa masak e dispers zot partou dan bann pei.

Danyel 3:8

Deswit apre, serten Babilonyen ti vin akiz bann Zwif.

Danyel 6:13

Alor, zot ti dir lerwa, “Danyel, enn parmi bann egzile sorti Zida, pa'n pran okenn kont lerwa, ni sa lord ki ou'n sinyen. I pe fer son lapriyer trwa fwa par zour.”

Danyel 6:14

Kan lerwa ti antann sa, i ti tourmante. I ti anvi sov Danyel, e ziska soley kouse, i ti fer tou son posib pour sov li.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Zakari 7:14

Mon'n dispers zot parmi bann nasyon ki zot pa ti konnen. Pei ki zot ti'n kit deryer, ti ganny devaste; personn pa ti pas par la. En pei kot ti gou viv, ti'n vin en dezer.

Nonm 23:9

Mon war li depi lo montanny; mon admir li ler mon anler lo kolin. Zot en nasyon apar. Zot pa form parti lezot nasyon.

Levanzil dapre Zan 7:35

Bann Zwif ti pe demann ant zot: Kote sa zonm pou ale, ki nou pa pou trouv li? Eski i pe al kot bann Zwif disperse parmi bann Grek? Eski i pe al ansenny bann Grek?

Akt de Zapot 24:5

Nou'n dekouver ki sa zonm i en nwizans, ki provok dezord parmi bann Zwif dan lemonn antye. Li menm, en sef sa parti Nazareen.

Akt de Zapot 28:22

Me nou ti anvi konn ou lopinyon, akoz partou, bokou dimoun pe koz kont sa group ki ou ladan.”

Deterononm 30:3

alor, SENYER, ou Bondye ava retabli ou sityasyon. I ava annan konpasyon pour ou e rasanble ou ankor parmi tou bann pep kot SENYER, ou Bondye ti'n dispers ou.

Deterononm 32:26

Mon ti'n mazinen detri zot konpletman e fer zot disparet parmi bann imen.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.

Let Zak 1:1

Sa let i sorti kot Zak, en serviter Bondye e Senyer Zezi-Kri: Pour sa 12 tribi disperse partou dan lemonn, meyer salitasyon!

1 Pyer 1:1

Sa let i sorti kot Pyer, en zapot Zezi-Kri, pour bann pep egzile ki viv koman refizye, e ki'n disperse atraver provens Pon, Galasi, Kapados, Lazi ek Bitini.