Ester 3:12 - Labib An Kreol Seselwa

¹² Trezyenm zour premye mwan, bann sekreter lerwa ti ganny konvoke. Parey sa ki Haman ti'n ordonnen, en lord ti ganny ekri e anvoye kot tou bann reprezantan lerwa e bann gouverner dan tou bann provens e kot tou bann sef parmi lepep, kot sak nasyon dapre son lekritir ek son langaz. Sa lord ti'n ganny ekri e sinyen o non lerwa Zerzes e sele avek stanp lerwa.

Ester 3:12 ပူးပေါင်းရင်းမြစ်များ

1 Rwa 21:8

Alor, i ti ekri plizyer let lo non Akab, e poz sele Akab lo la, e anvoy kot tou bann ansyen ek bann dimoun enportan dan lavil kot Nabot ti reste.

Esdras 8:36

Answit, zot ti delivre lord lerwa avek bann gouverner apwente par lerwa ek lezot gouverner lo lot kote larivyer Efrat, ki ti donn sipor pep Izrael ek tanp Bondye.

Ester 1:22

I ti anvoy bann let dan tou bann provens rwayal, dan sak provens dapre son lekritir e sak pep dapre son langaz, ki deklare ki tou zonm i devre sef dan son prop lakaz e zot devre servi lalang maternel.

Ester 3:11

Lerwa ti dir Haman, “Mon donn ou larzan, mon donn ou sa pep osi; fer sa ki ou oule avek zot.”

Ester 8:2

Lerwa ti tir son bag avek stanp ki i ti'n repran avek Haman e donn Mardose. Lo son kote, Ester ti met Mardose responsab bann byen Haman.

Ester 9:27

bann Zwif ti etabli e aksepte sa koutim ki pa devre zanmen sanze pour zot e zot bann desandan ki ava vin Zwif: San fot, zot pou gard sa de zour, dapre sa ki'n ganny ekri e dan menm lepok sak lannen.

Danyel 3:10

Ou menm lerwa, ou ti ordonnen, ki tou dimoun ki antann son tronpet, laflit, sitar, triyang, laarp, tanbour, e tou lezot lenstriman lanmizik, i prosternen e ador stati annor.

Danyel 6:12

Apre, zot ti al kot lerwa e koz avek li konsernan sa lord rwayal, “Eski pa ou ti siny en lord ki okenn dimoun ki adres lapriyer anver okenn lot bondye, oubyen et imen, apard ou Mazeste, pou ganny zete dan kavern lyon?” Lerwa ti reponn, “Sa i vre, dapre lalwa bann Med ek bann Pers, ki personn pa kapab sanze.”

Danyel 6:15

Bann lennmi Danyel ti al ankor kot lerwa. Zot ti dir li, “Mazeste i konnen ki dapre lalwa bann Med ek Pers, okenn lord e okenn regleman ki lerwa in sinyen, personn pa kapab sanze.”

Danyel 6:25

Apre sa, lerwa Dariis ti ekri tou bann pep, tou nasyon dan diferan pei e tou langaz atraver later antye: Mon swete ki zot ava ganny en gran lape!

Danyel 6:8

Aprezan, Mazeste, konfirmen e siny sa lord, pour ki personn pa kapab sanze, dapre lalwa bann Med ek bann Pers, ki pa kapab sanze.