Ester 2:7 - Labib An Kreol Seselwa

⁷ Mardose ti'n elve son kouzin Hadasa, ki apel osi Ester. Annefe, Ester ti napa ni papa ni manman. Sa zenn fiy ti zoli en kantite. Kan son papa ek son manman ti mor, Mardose ti adopte li koman son prop fiy.

Ester 2:7 ပူးပေါင်းရင်းမြစ်များ

Zenez 48:5

Zakob ti azoute, “Ou de garson ki ti ne Lezip avan ki mon ti ariv kot ou, Efraim ek Manase, pou vin pour mwan, parey Riben ek Simeon.

Ester 1:11

I ti donn zot lord fer larenn Vasti vin devan li, abiye dan son kouronn rwayal, pour montre son labote avek bann pep, bann o fonksyonner. Annefe, larenn ti en zoli fanm.

Ester 2:15

Ler tour Ester, fiy Abihail, tonton Mardose, e ki Mardose ti'n adopte koman son prop fiy, ti arive pour li al kot lerwa, i pa ti demann nanryen, eksepte sa ki Hegai, enik lerwa, ki ti ansarz bann fanm, ti'n konsey li. Tou dimoun ki ti war Ester ti admir li.

Ester 2:20

Ester pa ti ankor fer konnen ni son fanmir, ni son lorizin, parey Mardose ti'n ordonn li. Ester ti egzekit tou lord Mardose parey ler i ti anba son responsabilite.

Ester 8:1

Sa menm zour, lerwa Zerzes ti donn larenn Ester lakaz Haman, sa lennmi bann Zwif. Mardose ti prezant li devan lerwa, akoz Ester ti'n dir lerwa ki i ete pour li.

Liv Zob 31:17

si mon'n manz mon morso dipen mon tousel, san partaz avek en orfelen,

Liv Zob 31:18

akoz depi mon lazenes mon'n swanny bann orfelen parey en papa, e depi dan vant mon manman mon'n touzour en gid pour bann vev;

2 Korentyen 6:18

Mon pou vin en papa pour zot, e zot ava vin mon bann garson ek mon bann fiy, Senyer Toupwisan i deklare.

Efezyen 6:4

Zot, bann papa! Pa eksit lakoler zot zanfan; me o kontrer, elve zot dan en ledikasyon ek disiplin enspire par Senyer.

1 Zan 3:1

Gete! Nou Papa in telman kontan nou, ki i apel nou zanfan Bondye. An realite se sa ki nou ete. Rezon akoz lemonn pa'n konn nou, se akoz i pa'n konn Bondye.