Ester 2:18 - Labib An Kreol Seselwa

¹⁸ Lerwa ti donn en gran festen pour tou son bann fonksyonner ek son bann minis; i ti donn sa festen an loner Ester. I ti tir taks dan tou bann provens e i ti donn bann kado avek en zenerozite rwayal.

Ester 2:18 ပူးပေါင်းရင်းမြစ်များ

Zenez 29:22

Alor, Laban ti rasanble tou bann zonm dan sa landrwa e fer en lafet.

Nehemi 8:11

Bann levit ti kalme lepep. Zot ti dir, “Gard silans, akoz sa zour i sakre. Pa bezwen pran lapenn!”

Ester 1:7

Bann labwason ti ganny servi dan bann lakoup annor, dan diferan laform; diven sorti kot lerwa ti annabondans.

Ester 9:22

koman bann zour ki bann Zwif ti ganny debarase avek zot bann lennmi, koman bann zour dan sa mwan, kot zot tristes ti ganny transformen an lazwa e zot maler en boner; ki zot ti devre fer sa bann zour koman bann zour lafet ek selebrasyon, bann zour pou anvoy kado kanmarad ek bann pov.

Kantik Salomon 3:11

Bann fiy Zerizalenm! Sorti! Vin admir lerwa Salomon. I'n met kouronn ki son manman ti donn li zour son maryaz, sa zour ki ti fer lazwa son leker.

Kantik Salomon 5:1

Mon pti ser! Mon fiyanse! Mon'n vin dan mon zarden! Mon vin rekolte mon lamir ek mon zepis. Mon manz mon gof dimyel. Mon bwar mon diven ek mon dile. Zanmi! Manze! Bwar! Soul ou avek lanmour.

Matye 22:2

I ti dir zot, “Rwayonm lesyel i resanble en lerwa ki ti prepar en festen maryaz pour son garson.

Mark 6:21

Sepandan, en bon lokazyon ti prezante kan Herod ti ganny son lanniverser. I ti fer en gran parti pour tou bann zofisye dan pale, bann sef larme ek bann dimoun enportan dan Galile.

Levanzil dapre Lik 14:8

“Kan ou ganny envite dan en repa maryaz, pa asiz dan premye plas. Annefe, i posib ki en dimoun pli enportan ki ou, i'n osi ganny envite.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.

Revelasyon 19:9

Alor, lanz ti dir mwan: Ekri: Byennere, bann ki ganny envite pour festen maryaz Zenn Mouton. I ti azoute: Sa i bann vre Parol Bondye.

1 Samyel 25:8

Demann ou bann serviter e zot ava dir ou. Mon demann ou tret byen mon bann zonm, akoz nou'n vin dan en zour lafet. Alor, donn ou bann serviter ek ou garson David, tou sa ki ou kapab poz lanmen lo la.