Ester 2:16 - Labib An Kreol Seselwa

¹⁶ Ester ti ganny anmennen kot lerwa Zerzes dan son pale rwayal, dan dizyenm mwan ki ti mwan Tebet, dan setyenm lannen son renny.

Ester 2:16 ပူးပေါင်းရင်းမြစ်များ

Esdras 4:6

O konmansman renny lerwa Zerzes, zot ti ekri en let lakizasyon kont bann zabitan Zida ek Zerizalenm.

Esdras 7:8

Zot ti ariv Zerizalenm dan senkyenm mwan, setyenm lannen renny sa lerwa.

Ester 2:1

Apre sa bann levennman, ler lakoler lerwa Zerzes ti'n tonbe, i ti mazin Vasti, sa ki i ti'n fer e desizyon ki i ti'n pran kont li.

Ester 2:15

Ler tour Ester, fiy Abihail, tonton Mardose, e ki Mardose ti'n adopte koman son prop fiy, ti arive pour li al kot lerwa, i pa ti demann nanryen, eksepte sa ki Hegai, enik lerwa, ki ti ansarz bann fanm, ti'n konsey li. Tou dimoun ki ti war Ester ti admir li.

Ester 2:17

Lerwa ti kontan Ester plis ki tou lezot fanm, e parmi tou bann zenn fiy vyerz, i ti ganny faver lerwa. Alor, lerwa ti plas kouronn rwayal lo son latet e fer li larenn dan plas Vasti.

Ester 2:3

Nonm bann enspekter dan tou bann provens ou rwayonm, pour zot rasanble bann zoli zenn fiy vyerz, pour met dan lakour rwayal ki dan kapital Siz, anba sirveyans Hegai, enik lerwa ki annan responsabilite tou son bann fanm; fourni zot avek tou zot bann prodwi labote.

Ester 8:9

Sa menm zour, venntrwazyenm zour dan trwazyenm mwan ki mwan Sivan, bann sekreter lerwa ti ganny konvoke. En lalwa ti ganny ekri lo tou sa ki Mardose ti dir konsernan bann Zwif, e adrese avek bann reprezantan lerwa, bann gouverner ek bann fonksyonner enportan dan tou bann provens, depi Lenn ziska Letyopi; 127 provens an tou, sak provens dapre son prop lekritir e sak pep dan son prop langaz e pour tou bann Zwif osi, dapre zot prop lekritir e zot prop langaz.