Ester 2:12 - Labib An Kreol Seselwa

¹² Alafen 12 mwan, dapre regilasyon pour bann fanm, tour sakenn bann zenn fiy pour al kot lerwa Zerzes ti arive. Bann zenn fiy dan lakour rwayal ti devre swiv tretman labote pour bann fanm pandan enn an. Pandan sis mwan avek delwil lamir, e apre, sis mwan avek bann prodwi parfen ek lezot prodwi pour fanm.

Ester 2:12 ပူးပေါင်းရင်းမြစ်များ

Ester 2:11

Tou le zour, Mardose ti ale vini dan zanviron lakour rwayal, pour ganny nouvel Ester e konnen ki mannyer i pe ganny trete.

Ester 2:13

Ler sa zenn fiy ti al kot lerwa, i ti ganny tou sa ki i ti demande dan lakour rwayal pour anmenn avek li dan pale rwayal.

Ester 2:3

Nonm bann enspekter dan tou bann provens ou rwayonm, pour zot rasanble bann zoli zenn fiy vyerz, pour met dan lakour rwayal ki dan kapital Siz, anba sirveyans Hegai, enik lerwa ki annan responsabilite tou son bann fanm; fourni zot avek tou zot bann prodwi labote.

Ester 2:9

Sa fiy ti fer li plezir e i ti ganny son faver. Deswit, i ti fourni li tou bann prodwi labote neseser, ek son rasyon manze. I ti osi swazir pour li set servant dan pale lerwa e plas li avek son bann zenn servant dan meyer plas dan lakour rwayal.

Proverb 7:17

Mon'n parfim mon lili avek lamir, aloes ek kannel.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Ezai 3:24

Loder pouritir pou ranplas loder lesans; en lakord pou ranplas en sang. Latet kler pou ranplas bann lanmod pennyen avek ekstravagans; lenz dey pou ranplas bann lenz lafet; laont dan plas labote.

Ezai 57:9

Zot in prezant zot devan bondye Molek avek delwil e en kantite parfen. Zot in anvoy zot bann mesaze tre lwen e menm anvoy zot ziska dan lemonn lanmor.