Ester 10:3 - Labib An Kreol Seselwa

³ Zwif Mardose ti dezyenm apre lerwa Zerzes; i ti pwisan e popiler parmi bokou bann Zwif akoz i ti rod byennet son pep e entersed pour lape son bann desandan.

Ester 10:3 ပူးပေါင်းရင်းမြစ်များ

Zenez 41:40

Mon pou met ou ansarz mon pei. Tou mon pep pou soumet anba ou lord. Zis mwan ki pou par lao ou, akoz mon lerwa.”

Zenez 45:10

Ou ava reste dan rezyon Gosenn. Ou ava reste pre avek mwan, ou, ou bann zanfan ek zanfan ou bann zanfan, ou bann troupo, ou bann zannimo, ek tou sa ki ou posede.

Zenez 45:11

Mon ava donn ou tou sa ki ou bezwen, akoz pou annan ankor senk lannen lafanmin. Vini, pour ki ni ou, ni ou fanmir pa ava dan bezwen, e ki ou pa perdi tou sa ki ou posede.”

2 Kronik 28:7

Zikri, en konbatan Efraim, ti touy Maseya, garson lerwa Zida, Azrikanm, komandan pale rwayal ek Elkana, segon apre lerwa.

Nehemi 2:10

Me kan Sanbalat, en Horonit, ek Tobiya, administrater Amonit, ti aprann sa, zot pa ti kontan ki en dimoun i vin pour rod byennet bann Izraelit.

Ester 2:5

Dan lavil kapital Siz, ti annan en Zwif ki ti apel Mardose, garson Yair, en desandan Simei, garson Kis, ki sorti dan tribi Benzamen.

Ester 3:2

Tou bann serviter dan pale rwayal ti tonm azenou e prosternen devan Haman, parey lord ki lerwa ti'n donnen. Me Mardose pa ti ni tonm azenou ni prosternen.

Danyel 5:16

Me, mon'n aprann ki ou kapab donn lenterpretasyon e rezoud bann problenm difisil. Aprezan, si ou kapab lir sa lekritir e donn mwan son lenterpretasyon, ou ava ganny abiye dan en rob rouz, ou ava ganny en kolye annor otour ou likou e ou ava okip trwazyenm plas dan gouvernman mon rwayonm.”

Danyel 5:29

Deswit apre, Baltazar ti donn lord pour abiy Danyel dan en lenz rouz, met en kolye annor otour son likou, e proklanm li trwazyenm personnaz dan gouvernman son rwayonm.

Danyel 6:3

Danyel ti montre li meyer ki sa bann sef ek bann gouverner, akoz ti annan en lespri ekstraordiner dan li. Lerwa ti annan lentansyon met Danyel ansarz rwayonm antye.

Romen 10:1

Mon Bann frer ek ser! Mon swete avek tou mon leker e mon demann Bondye pour bann Zwif, ki zot ganny sove.

Romen 14:18

Sa enn ki servi Kris dan sa fason, i fer plezir Bondye, e dimoun i kontan li.

1 Samyel 18:16

Me Izrael ek Zida antye ti kontan David, akoz i ti al lager e retournen ansanm avek zot.

1 Samyel 23:17

I ti dir David, “Pa bezwen per; mon papa Sail pa pou reisi ganny ou. Ou ki pou vin lerwa Izrael, e mwan, mon pou vin ou asistan. Mon papa, Sail i konnen li osi.”