Ester 1:12 - Labib An Kreol Seselwa

¹² Me larenn Vasti ti refize obeir lord ki lerwa ti'n transmet par lentermedyer son bann enik. Lerwa ti pran en gran lakoler.

Ester 1:12 ပူးပေါင်းရင်းမြစ်များ

Zenez 3:16

Apre, SENYER Bondye ti dir avek sa fanm, “Mon pou ogmant ou douler lakousman. Ou pou soufer bokou pour ganny zanfan. Ou pou ganny atire ver ou mari, me i pou domin lo ou.”

Ester 1:11

I ti donn zot lord fer larenn Vasti vin devan li, abiye dan son kouronn rwayal, pour montre son labote avek bann pep, bann o fonksyonner. Annefe, larenn ti en zoli fanm.

Ester 1:13

Lerwa ti konsilte son bann saz ki ti konn byen lalwa. Annefe, bann zafer rwayal, ti touzour ganny regle avek led bann dimoun ki konn lalwa ek bann koutim.

Ester 7:7

Dan son lakoler, lerwa ti kit festen e al dan zarden pale. Me Haman ti reste pour li sipliy larenn Ester pour sov son lavi, akoz i ti'n realize ki lerwa ti'n fini deside detri li.

Psonm 74:1

Mon Bondye! Akoz ou'n rezet nou pour touzour? Akoz sa gran lakoler kont nou, ou troupo?

Psonm 79:5

Ziska kan ou pou kontinyen ankoler kont nou? Eski ou zalouzi pou kontinyen brile parey dife?

Egzod 32:19

Ler i ti apros kan, i ti war sa pti toro e lepep ki ti pe danse. Alor, lakoler Moiz ti monte. I ti zet ater sa de plak ros komannman e kraz zot anba, devan montanny.

Egzod 32:22

Aaron ti reponn, “Pa bezwen ankoler mon senyer. Ou menm, ou konn sa pep: I anvi touzour fer sa ki mal.

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Proverb 20:2

Lakoler en lerwa i parey gronnyman en zenn lyon; sa enn ki fer lerwa ankoler, i riske son lavi.

Danyel 2:12

Akoz sa, lerwa ti pran en gran lakoler. I ti ordonnen ki tou bann saz dan Babilonn, i ganny touye.

Danyel 3:13

Dan en gran lakoler, Naboukodonozor ti ordonnen pour anmenn devan li Sadrak, Mesak ek Abed-Nego. Alor, sa bann zonm ti ganny anmennen devan lerwa.

Danyel 3:19

Alor, Naboukodonozor ti pran en gran lakoler kont Sadrak, Mesak ek Abed-Nego ki son figir ti sanz kouler. I ti donn lord pour sof fourno set fwa pli so ki labitid.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Efezyen 5:22

Bann fanm! Zot devre obei zot mari, parey zot obei Senyer.

Efezyen 5:24

Annefe, parey Legliz i obei Kris, bann fanm i devre touzour obei zot mari.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

1 Pyer 3:1

Zot bann fanm, zot devre aksepte lotorite zot mari. Konmsa, si i annan ki refize krwar dan Parol Bondye, zot ava kanmenm kapab aksepte lafwa, gras a zot kondwit.