Ester 1:10 - Labib An Kreol Seselwa

¹⁰ Setyenm zour lafet, kan i ti'n konmans soule avek diven, lerwa ti apel Mehoumann, Bizta, Harbona, Bigta, Abagta, Zetar ek Karkas, set enik ki ti dan servis lerwa Zerzes.

Ester 1:10 ပူးပေါင်းရင်းမြစ်များ

Zenez 43:34

Zozef ti fer servi zot porsyon manze ki sorti lo son latab. Porsyon ki Benzamen ti gannyen ti senk fwa plis ki pour lezot. Alor, zot ti bwar diven avek li ziska zot ti soule.

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

Ester 1:9

Larenn Vasti ti osi donn en festen pour bann fanm, dan pale lerwa Zerzes.

Ester 3:15

Bann mesaze ti al toudswit, lo lord lerwa. Dekre ti ganny pibliye dan Siz, lavil kapital. Lerwa avek Haman ti asize pour bwar, tandis ki lavil Siz ti dan boulvers.

Ester 7:9

Enn bann enik, Harbona, ti dir lerwa, “Mazeste! Sa lesafo 25 met oter ki Haman ti'n prepare pour fer pann Mardose ki ti sov lavi lerwa, in pare kot Haman.” Lerwa ti dir, “Pann li lo la.”

Proverb 20:1

Diven i rann ensolan e labwason for i rann azite; sa enn ki les lalkol soul li, pa kapab vin saz.

Proverb 31:4

Lemouel! Lerwa pa devre bwar, diven pa bon pour bann lerwa, ni bann sef kontan bwar lalkol.

Eklezyas 10:19

Bann ris i donn festen pour diverti; diven i rann lavi gou; larzan i permet fer tou.

Ziz 16:25

Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.

Ziz 19:6

Tou le de ti asize. Ansanm, zot ti manze e bwar. Apre, papa sa zenn fanm ti dir son zann, “Aksepte pas lannwit isi e anmiz ou.”

Rit 3:7

Kan Boaz ti'n fini manze e bwar, e i ti santi li byen, i ti al dormi obor son ta legren. Apre sa, Rit ti aprose dousman, dekouver son lipye, e alonz obor li.