Esdras 9:9 - Labib An Kreol Seselwa

⁹ Annefe, nou bann lesklav; me nou Bondye pa'n abandonn nou dan lesklavaz. I'n montre son lanmour devan bann lerwa Lapers pour fer nou reviv, pour ki nou relev tanp Bondye e fer li sorti dan son leta anrin e donn nou son miray proteksyon Zerizalenm e dan Zide.

Esdras 9:9 ပူးပေါင်းရင်းမြစ်များ

Esdras 2:68

Ler zot ti ariv Zerizalenm kot tanp SENYER, plizyer sef fanmir, ti donn bann lofrann volonter pour tanp Bondye pour rekonstri li lo son lanplasman.

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Esdras 7:8

Zot ti ariv Zerizalenm dan senkyenm mwan, setyenm lannen renny sa lerwa.

Esdras 9:10

Aprezan, nou Bondye, nou pa konnen ki nou pou dir apre sa ki'n arive?

Nehemi 2:17

Alor mon ti dir zot, “Zot war maler ki nou ladan: Zerizalenm in vin en ta debri e tou son bann laport in ganny detri par dife. Leve, annou rekonstri miray Zerizalenm pour ki nou ava nepli dan laont.”

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Psonm 109:12

Pa les personn montre li en pe labonte, ni pran pitye pour son bann orfelen!

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Ezai 14:3

Zour ki SENYER ava'n donn ou repo apre bann letan douler ek tourman e apre bann letan lesklavaz ki ou ti pas ladan,

Ezai 5:2

I ti travay later e tir tou ros; i ti plant en zoli plan rezen. I ti konstri en tour dan milye. I ti fouy en gran basen kot rezen pou ganny kraze. I ti pe espere ganny bon rezen, me i ti ganny rezen eg.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Ezai 61:4

Zot pou rekonstri lo vye fondasyon zot pou relev bann landrwa devaste depi lontan; zot pou refer bann lavil anrin ki'n ganny dezerte depi plizyer zenerasyon.

Ezekyel 11:16

Alor, ou ava dir zot: La sa ki Senyer BONDYE i deklare: Menm si mon'n dispers zot lwen dan bann pei, parmi bann nasyon etranze, mon'n touzour reste prezan en pe letan parmi zot dan bann pei partou kot zot in ale.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Agze 1:9

Zot ti espere rekolte bokou, me zot pa'n rekolte bokou. Sa ki zot in anmenn dan lakour, mon'n soufle lo la e fer li anvole. Akoz? SENYER liniver, i demande. Akoz zot, zot touzour okipe avek zot prop lakaz, tandis ki mon tanp in vin zis en ta debri.

Zakari 2:5

La sa ki SENYER liniver i deklare, “Deor, mon pou en miray dife otour li. Anndan, mon pou son laglwar.”