Esdras 9:6 - Labib An Kreol Seselwa

⁶ Mon ti dir li: Mon Bondye! Mon kanmi e mon onte pour lev mon lizye ver ou, mon Bondye; nou bann fot in ogmante lo nou latet, e nou tor in akimile ziska dan lesyel.

Esdras 9:6 ပူးပေါင်းရင်းမြစ်များ

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

1 Rwa 8:47

si zot sanz zot leker la, dan sa pei kot zot in ganny anmennen, si zot repanti e si zot enplor ou e dir: Nou'n fer pese, nou'n fer sa ki mal;

2 Kronik 28:9

En profet ki ti apel Oded, ti al zwenn larme ki ti pe retourn Samari. I ti dir zot, “SENYER, Bondye ou bann zanset, dan son lakoler kont zabitan Zida in abandonn zot dan ou lanmen. Me ou'n masakre zot avek telman vyolans ki menm lesyel in pran sa an kont.

Esdras 9:13

Tou sa maler ki'n ariv nou, i akoz nou bann move aksyon ek nou bann fot. Sepandan, ou pa'n pini nou parey nou merite, e aprezan ou'n permet nou ki la, reste ankor vivan.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Nehemi 1:6

Ekout avek atansyon, ouver ou lizye, ekout lapriyer ki mwan ou serviter mon pe adres ou. Mon pe priy devan ou nwit e zour pour ou bann serviter, pep Izrael; mon rekonnet pese pep Izrael ki nou'n komet kont ou. Mwan ek mon fanmir, nou'n fer pese kont ou.

Liv Zob 40:4

Mon en nanryen ditou. Ki mon kapab reponn ou? Mon poz mon lanmen lo mon labous.

Liv Zob 42:6

Pour sa rezon, mon rekonnet mon tor e mon repanti dan lapousyer e dan lasann.

Psonm 38:4

Mon bann fot in kouver mwan; zot in vin en fardo tro lour pour mwan.

Psonm 38:5

Akoz mon bann betiz, mon bann boubou i pi e enfekte.

Egzod 32:31

Moiz ti retourn kot SENYER. I ti dir, “SENYER! Ou pep in komet en pese grav. Zot in fer en bondye annor pour zot.

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 31:19

Nou ti'n tourn lwen avek ou; me apre, nou ti regrete. Ou'n pini nou; aprezan nou rekonnet nou fot. Nou kanmi e nou'n ganny imilye, akoz pese ki nou'n komet dan nou zenes.

Zeremi 51:9

Nou'n esey swanny Babilonn, me i pa'n kapab ganny geri. Annou abandonn li, annou kit sa pei e retourn kot nou. Son bann zizman in tous lesyel, i'n travers bann nyaz.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Lamantasyon 3:42

Nou'n fer pese e nou'n revolte kont ou; me ou pa'n pardonn nou.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Levitik 26:40

Me si zot rekonnet zot pese e pese zot zanset, e avoue ki zot in komet en sakrilez kont mwan, e ki zot in kontinyen opoz mwan,

Levanzil dapre Lik 15:21

Son garson ti dir li: Papa, mon'n mal azir kont Bondye e kont ou. Mon pa merite pour ganny apele ou garson.

Levanzil dapre Lik 18:13

Sa kolekter taks ti reste lwen deryer. I pa ti menm oze lev lizye pour get lesyel, me i ti tap son lestoma e dir: Mon Bondye! Pran pitye pour mwan ki en peser!

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

Revelasyon 18:5

Annefe, son bann pese in akimile ziska oter lesyel. Bondye pa'n oubliy son bann forfe.