Esdras 9:2 - Labib An Kreol Seselwa

² Zot bann zanfan in marye avek bann zanfan sa bann pep, de sort ki zot in melanz pep Bondye avek bann zabitan sa pei. Bann sef ek bann mazistra ki ti parmi bann premye pour komet sa lenfidelite.

Esdras 9:2 ပူးပေါင်းရင်းမြစ်များ

Zenez 6:2

bann garson bondye ti war ki bann fiy zonm ti atiran. Alor, zot ti swazir zot koman zot fanm.

1 Rwa 11:1

An plis ki fiy Faraon, lerwa Salomon ti kontan bokou fanm etranze: Bann fanm Moabit, Amonit, Edomit, Sidonit ek Hitit,

Esdras 10:2

Alor, Sekanya, garson Yeyel en desandan Elanm, ti dir Esdras, “Nou'n komet en fot grav anver nou Bondye e nou'n marye avek bann fanm etranze ki sorti parmi popilasyon sa pei. Malgre sa, i annan ankor lespwar pour Izrael lo sa size.

Esdras 9:12

Alor, pa donn zot bann fiy an maryaz ek zot bann garson etranze, ni pran zot fiy an maryaz pour zot bann garson. Pa pran okenn ka pour zot konfor ni zot byennet. Alor, zot ava vin en pep for. Zot ava manz meyer prodwi sa pei e transmet li pour touzour, koman en leritaz pour zot bann zanfan.

Esdras 9:14

Eski nou pou kapab rekonmans kas ou bann komannman e alye nou avek sa pep ki pratik sa bann aksyon degoutan? Eski pa avek rezon ki ou ankoler kont nou, ziska ekstermin nou tou, san les okenn sirvivan?

Nehemi 13:17

Mon ti repros bann personnaz enportan dan Zida. Mon ti demann zot: Ki savedir sa bann move aksyon ki zot pe fer? Zot pe mepriz zour saba.

Nehemi 13:28

Enn bann garson Yoyada, garson Gran-Pret Eliasib, ti zann Sanbalat en Horonit. Mon ti sas li lwen avek mwan.

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Egzod 22:31

Zot ava en pep konsakre pour mwan. Alor, zot pa pou manz lavyann okenn zannimo ki'n ganny desire par bann zannimo sovaz dan lakanpanny. Zot ava zet li avek bann lisyen.

Egzod 34:16

Zot ava osi fer ou garson marye avek zot bann fiy ki ava antrenn ou bann zanfan e fer zot prostitye avek zot bann bondye.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Levitik 21:15

I pa pou dezonor son desandans dan son fanmir, akoz mwan SENYER ki konsakre li.

Malasi 2:11

Zida pa'n reste fidel anver Bondye. Zot in komet en akt degoutan dan pei antye e dan Zerizalenm. Zot in mank respe anver sanktyer ki SENYER i kontan. Zot in marye avek bann fanm etranze ki ador lezot bondye.

Malasi 2:15

Bondye pa i'n fer zot en sel lekor e donn zot sa menm souf lavi? Son sel dezir se ki zot ganny zanfan ki vin vreman pep Bondye. Alor, fer atansyon ki personn pa kas promes fidelite ki i'n fer avek son fanm dan son zenes.

1 Korentyen 7:14

Annefe, sa mari non-krwayan i pros avek Bondye atraver son fanm. Demenm, sa fanm non-krwayan i pros avek Bondye atraver son mari krwayan. Si pa ti konmsa, zot zanfan ti ava ganny konsidere koman enpir, tandis ki an realite zot pros avek Bondye.

2 Korentyen 6:14

Pa bezwen asosye zot avek bann non-krwayan; i pa normal. Annefe, ki i annan an komen ant lazistis ek mesanste? Ki relasyon i kapab annan ant lalimyer avek fernwanr?

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Zozye 22:15

Zot ti al dan pei bann Ribenit, bann Gadit, ek demi tribi Manase dan pei Galaad. La sa ki zot ti dir,

Zozye 23:12

Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,