Esdras 9:14 - Labib An Kreol Seselwa

¹⁴ Eski nou pou kapab rekonmans kas ou bann komannman e alye nou avek sa pep ki pratik sa bann aksyon degoutan? Eski pa avek rezon ki ou ankoler kont nou, ziska ekstermin nou tou, san les okenn sirvivan?

Esdras 9:14 ပူးပေါင်းရင်းမြစ်များ

Esdras 10:10

Pret Esdras, ti debout. I ti dir zot, “Zot in komet en fot grav kan zot ti marye avek bann fanm etranze e zot in agrav tor Izrael.

Esdras 9:2

Zot bann zanfan in marye avek bann zanfan sa bann pep, de sort ki zot in melanz pep Bondye avek bann zabitan sa pei. Bann sef ek bann mazistra ki ti parmi bann premye pour komet sa lenfidelite.

Esdras 9:8

Me la, SENYER nou Bondye, pour en pti pe letan, ou'n montre nou ou faver. Ou'n permet ki i reste detrwa sirvivan parmi nou pep e akord nou en landrwa, dan ou pei sakre. Nou Bondye in ouver nou lizye e redonn nou en pe lespwar dan nou lesklavaz.

Nehemi 13:18

Konmsa menm ki zot zanset ti azir. Pour sa rezon, nou Bondye in anvoy tou sa bann maler lo nou e lo sa lavil. Zot, zot pe ogmant son lakoler kont Izrael par mepriz son saba.

Egzod 23:32

Ou pa pou fer okenn lalyans avek zot, ni avek zot bann bondye.

Egzod 32:10

Aprezan, les mwan entervenir; mon pou pran lakoler kont zot e mon pou ekstermin zot. Me ou, mon pou fer ou vin en gran nasyon.”

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Zeremi 44:9

Eski zot in oubliy bann krim zot bann zanset, bann lerwa Zida, zot bann fanm, zot menm ek zot bann fanm, zot ti komet dan pei Zida e dan bann lari Zerizalenm?

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Ezekyel 6:8

“Mon pou sepandan les serten parmi zot sirviv sa masak e dispers zot partou dan bann pei.

Nonm 16:21

“Sorti parmi sa bann dimoun e mon ava ekstermin zot en sel kou.”

Nonm 16:45

Elwanny zot avek sa pep e mon ava bril zot en sel kou. Moiz ek Aaron ti tonm la fas ater.

Levanzil dapre Zan 5:14

Plitar, Zezi ti zwenn li dan Tanp. I ti dir li, “Ekout mwan! Aprezan ki ou'n geri, aret fer pese, sinon keksoz pli grav ava kapab ariv ou.”

Romen 6:1

Ki nou pou dir alor? Eski nou pou kontinyen viv dan pese pour ki lagras Bondye i ogmante?

Deterononm 9:14

Les mwan detri zot e fer zot disparet anba lesyel. Mon pou fer ou vin en nasyon pli pwisan e pli nonbre ki sa pep.

Deterononm 9:8

Menm lo montanny Horeb zot ti provok SENYER e fer li ankoler. SENYER ti telman ankoler kont zot, ki i ti'n pre pour li detri zot.

Ziz 2:2

Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?