Esdras 8:23 - Labib An Kreol Seselwa

²³ Alor, nou ti fer en zenn e nou ti envok nou Bondye ki ti egzos nou demann.

Esdras 8:23 ပူးပေါင်းရင်းမြစ်များ

Zenez 25:21

Izaak ti priy SENYER pour son fanm, akoz i pa ti kapab ganny zanfan. SENYER ti pran pitye pour li e Rebeka son fanm ti tonm ansent.

2 Rwa 13:4

Yoakaz, ti enplor SENYER. SENYER ti ekout li, akoz i ti war soufrans Izrael depi ki lerwa Lasiri ti pe domin zot.

1 Kronik 5:20

Zot ti ganny led kont bann Hagarit e tou bann ki ti avek zot, ti ganny livre dan zot lanmen. Pandan konba, zot ti priy Bondye ki ti ekout zot, akoz zot ti annan konfyans dan li.

Esdras 8:31

Nou ti kit larivyer Ahava, pour al Zerizalenm douzyenm zour, dan premye mwan. Lanmen nou Bondye ti avek nou. Pandan nou vwayaz, i ti protez nou kont tou latak lennmi ek tou bann bandi.

Nehemi 9:1

Dan sa menm mwan, vennkatriyenm zour, pep Izrael ti rasanble ansanm pour zene. Zot ti met lenz dey, avek lapousyer lo zot latet.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Proverb 3:5

Met ou konfyans dan SENYER avek tou ou leker; pa kont lo ou prop rezonnman.

Ezai 19:22

SENYER pou pini Lezip. I pou pini li, me i pou geri li e bann Ezipsyen ava retourn ver SENYER ki ava ekout zot siplikasyon e geri zot.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Danyel 9:3

Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Levanzil dapre Lik 2:37

I ti'n reste vev. Aze 84 an, i pa ti kit Tanp. I ti kontinyen servi Bondye, lizour koman aswar; i ti zennen e priye.

Akt de Zapot 10:30

Korney ti reponn, “I annan trwa zour, apepre sa ler, mon ti pe priye ver 3 er apremidi, parey labitid. Toutakou, mon ti war en zonm dan en lenz blan, klate, debout devan mwan.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.