Esdras 8:22 - Labib An Kreol Seselwa

²² Mon ti pou kanmi pour demann lerwa en troup solda pour eskort nou, avek bann kavalye pour protez nou kont lennmi dan nou semen, akoz nou ti'n dir lerwa: Lanmen nou Bondye i avek tou sa ki rod li. Me lafors son lakoler i kont tou bann ki abandonn li.

Esdras 8:22 ပူးပေါင်းရင်းမြစ်များ

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Esdras 7:28

I'n montre son gran bonte anver mwan devan lerwa ek son bann konseye e devan tou son bann gran personnaz! Lanmen SENYER mon Bondye ti avek mwan e in donn mwan lafors. Mon'n rasanble bann sef Izrael pour ki zot mont avek mwan Zerizalenm.”

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Esdras 7:9

Depar pour sorti Babilonn ti'n ganny fikse pour premye zour, dan premye mwan, e zot ti ariv Zerizalenm premye zour, senkyenm mwan, e lanmen son Bondye ti avek li.

Esdras 8:31

Nou ti kit larivyer Ahava, pour al Zerizalenm douzyenm zour, dan premye mwan. Lanmen nou Bondye ti avek nou. Pandan nou vwayaz, i ti protez nou kont tou latak lennmi ek tou bann bandi.

Nehemi 2:9

Apre, mon ti al kot bann gouverner bann provens ki Was avek larivyer Efrat. Mon ti donn zot bann let sorti kot lerwa. Lerwa ti'n anvoy bann zofisye larme ek bann kavalye pour akonpanny mwan.

Psonm 20:8

Alor, zot pou pliye e tonbe. Me nou, nou pou reste debout.

Psonm 34:22

SENYER i sov lavi son bann serviter. Sa enn ki met son konfyans dan li pa pou ganny pini.

Psonm 90:11

Lekel ki kapab konn lafors ou lakoler? Nou lafreyer i osi gran ki ou lakoler.

Lamantasyon 3:25

SENYER i bon anver tou sa ki met son konfyans dan li; anver sa enn ki met son lespwar dan li.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

1 Korentyen 9:15

Me mwan, mon pa'n servi okenn sa bann drwa, e mon pa pe ekri zot pour reklanmen. Mon prefere mor! Personn pa pou aras mwan sa ki fer mon lafyerte.

2 Korentyen 7:14

Annefe, mon ti fyer pour zot e zot pa'n dezapwent mwan. Parey nou'n touzour dir zot laverite, sa ki nou'n dir devan Tit dan zot faver i vre.

Ebre 10:38

Me sa enn ki zis, pou viv par lafwa. Mon pa pran plezir avek sa enn ki retourn annaryer.

Zozye 22:16

“La sa ki tou lakominote SENYER i dir: Ki sa traizon ki zot in komet kont Bondye Izrael? Zot in tourn ledo avek SENYER e zot in konstri en lotel ozordi? Ozordi, zot in revolte kont SENYER.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

1 Pyer 3:12

Annefe, lizye Senyer i fikse lo bann zis. Son zorey i ouver pour ekout zot lapriyer. Me vizaz Senyer i tourn kont bann ki fer sa ki mal.