Esdras 8:21 - Labib An Kreol Seselwa

²¹ La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Esdras 8:21 ပူးပေါင်းရင်းမြစ်များ

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

2 Kronik 20:4

Bann Zideen sorti dan tou kote, ti rasanble dan Zerizalenm pour demann led SENYER.

Esdras 8:15

Mon ti rasanble zot kot larivyer ki koul ver Ahava, kot nou ti kanpe pandan trwa zour. Kan mon ti enspekte lepep ek bann pret, mon ti remarke ki parmi zot ti napa okenn garson Levi.

Esdras 8:31

Nou ti kit larivyer Ahava, pour al Zerizalenm douzyenm zour, dan premye mwan. Lanmen nou Bondye ti avek nou. Pandan nou vwayaz, i ti protez nou kont tou latak lennmi ek tou bann bandi.

Nehemi 9:1

Dan sa menm mwan, vennkatriyenm zour, pep Izrael ti rasanble ansanm pour zene. Zot ti met lenz dey, avek lapousyer lo zot latet.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

Psonm 137:1

Lo bor bann larivyer Babilonn, kot nou ti pe asize, nou ti plere ler nou ti mazin Siyon.

Psonm 5:8

SENYER! Akoz mon bann lennmi, gid mwan dan ou lazistis. Fer disparet tou danze lo semen ki ou'n trase pour mwan.

Psonm 5:9

Okenn laverite pa sorti dan zot labous; zot leker i ranpli avek destriksyon; zot lagorz i en tonbo ouver; zot lalang i koz zis flatri.

Psonm 8:2

Labous pti baba ek bann zanfan i sant ou laglwar. Ou montre ou pwisans kont ou bann lennmi e fer ou bann ladverser reste silans.

Proverb 3:6

Rekonnet li dan tou sa ki ou antreprann e i ava gid ou lo ou semen.

Ezai 30:21

Ler ou pou al adrwat ou agos, ou pou antann en lavwa deryer ou: La semen; swiv li.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 49:10

Zot pou nepli lafen, zot pou nepli swaf; ni divan so ni soley pa pou fer zot soufer, akoz zot gid pou sa enn ki annan konpasyon pour zot e ki pou kondwir zot kot i annan sours delo.

Ezai 58:3

Akfer nou fer en zenn si ou pa war nou? Akfer nou imilye nou, si ou pa pran ka? Zour zot fer en zenn, zot rod zot prop lentere e zot kraz tou zot bann travayer.

Ezai 58:5

Eski sa i kalite sakrifis ki fer mwan plezir? Eski sa i en zour kot dimoun i imilye li? Ler i kourb latet parey en tiz banbou e dormi dan lenz dey ek lasann ou apel sa en zour ki SENYER i kontan?

Zeremi 10:23

SENYER! Mon konnen ki zonm pa met son desten. Napa en dimoun ki kapab kontrol son lavi.

Zeremi 42:3

Demann SENYER ou Bondye kote nou devre ale e sa ki nou devre fer.”

Danyel 9:3

Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

Levitik 16:29

Sa i en regleman pour zot pour touzour: Dizyenm zour, dan setyenm mwan, pep Izrael antye, ensi ki tou etranze ki reste parmi zot, ava zennen e aret tou travay.

Levitik 16:31

Sa zour ava pour zot en saba, en zour repo pour zennen. Sa i en regleman valab pour touzour.

Levitik 23:29

Sa enn ki pa fer zenn sa lazournen antye, ava ganny met an deor kominote Izraelit.

Zonas 3:5

Bann zabitan Niniv ti krwar dan Bondye. Zot ti proklanm en zenn. Depi sa ki pli ris ziska sa ki pli pov ti met lenz dey.

Zonas 3:7

I ti fer proklanm dan Niniv antye: Par lord lerwa ek son bann zofisye: Tou zabitan, tou zannimo, tou troupo napa drwa ni manze, ni bwar.

Nonm 14:3

Akoz SENYER i anvi fer nou antre dan sa pei, si nou bezwen ganny masakre? Nou bann zanfan ek nou fanm pou ganny pran otaz! Pa ti ava preferab pour nou retourn Lezip?

Nonm 14:31

Kanta zot zanfan, ki zot ti dir pou vin bann otaz, mon pou fer zot antre e zot pou konn sa pei ki zot pa ti oule.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Ziz 20:26

Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

1 Samyel 7:6

Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.