Esdras 8:1 - Labib An Kreol Seselwa

¹ La lalis bann sef fanmir ki ti anrezistre pour mont avek mwan Esdras, sorti Babilonn, pandan ki Artakzerzes ti lerwa:

Esdras 8:1 ပူးပေါင်းရင်းမြစ်များ

1 Kronik 24:31

Zot osi, parey zot bann frer desandan Aaron, ti tir osor dan prezans lerwa David, pour determin lord servis Sadok ek Ahimelek ek bann sef fanmir pret ek bann Levit. Zot ti fer sa pour bann pli zenn parmi zot bann frer, parey pour bann sef fanmir.

1 Kronik 26:32

Sa bann zonm ti bann sef fanmir, bann zonm vayan; 2,700 an tou. Lerwa David ti swazir Yeriya pour ansarz bann zafer relizye e sivil dan bann rezyon kot tribi Riben, Gad ek demi tribi Manase ti pe reste.

1 Kronik 4:33

Ti osi annan tou bann vilaz ki ti otour sa bann lavil ziska Baal. Zot ti etabli zot la; zot non ti lo zot prop lalis fanmir.

1 Kronik 9:1

Tou bann Izraelit ti ganny anrezistre e zot ti ganny ekri dan Liv bann Lerwa Izrael. Zida ti ganny deporte Babilonn akoz son enfidelite anver Bondye.

1 Kronik 9:34

Sa ti bann sef fanmir levit, dapre zot desandans; zot ti reste Zerizalenm.

2 Kronik 26:12

An tou, ti annan 2,600 komandan par sef fanmir. Tousala zot ti bann brav gerye.

Esdras 1:5

Alor, bann sef fanmir dan tribi Zida ek Benzamen, bann pret ek bann levit, tou bann ki Bondye ti'n enspir zot avek sa dezir, ti prepar zot pour mont Zerizalenm e rekonstri tanp SENYER.

Esdras 2:2

Zot ti retourn ansanm avek Zorobabel, Zozye, Nehemi, Seraya, Reelaya, Mardose, Bilsann, Mispar, Bigvai, Rehoum ek Baana. La lalis bann zonm ki form bann group dan pep Izrael:

Esdras 2:3

Bann garson Paros: 2,172;

Esdras 2:62

Zot ti rod zot non lo rezis bann zanset, me zot pa ti trouve. Alor, zot ti ganny tire lo lalis bann pret e ganny konsidere koman enpir.

Esdras 7:13

Mon'n ordonnen ki tou dan pep Izrael, pret oubyen levit ki dan mon rwayonm, ki anvi al Zerizalenm, zot lib pour al avek ou.

Esdras 7:28

I'n montre son gran bonte anver mwan devan lerwa ek son bann konseye e devan tou son bann gran personnaz! Lanmen SENYER mon Bondye ti avek mwan e in donn mwan lafors. Mon'n rasanble bann sef Izrael pour ki zot mont avek mwan Zerizalenm.”

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Esdras 7:7

Dan setyenm lannen renny lerwa Artakzerzes, serten parmi bann Izraelit, pret, levit, santer, portye, ek serviter tanp, ti osi mont Zerizalenm.

Esdras 8:2

Gersonn, dan fanmir Fineas; Danyel dan fanmir Itamar; Hatous, dan fanmir David;