Esdras 7:14 - Labib An Kreol Seselwa

¹⁴ Alor, mwan lerwa, avek mon set konseye, nou anvoy ou Zerizalenm e dan distrik Zida, pour war koman lalwa Bondye ki son teks ou anmenn partou avek ou, pe ganny respekte.

Esdras 7:14 ပူးပေါင်းရင်းမြစ်များ

Esdras 1:3

Zot tou ki form parti son pep, Bondye ava avek zot. Mont Zerizalenm, dan Zida e konstri tanp SENYER, Bondye Izrael. Li menm sa Bondye ki dan Zerizalenm.

Esdras 5:8

Nou pe fer ou konnen ki nou ti al dan provens Zida kot tanp gran Bondye. Sa tanp pe ganny rekonstri avek bann pyer taye, e avek dibwa par anndan miray. Travay pe ganny fer avek swen. I pe progres rapidman dan zot lanmen.

Esdras 6:12

Bondye ki'n etabli son non dan sa landrwa, ava fer tonbe tou lerwa, ek tou pep ki kas sa lord, e detri tanp Bondye ki Zerizalenm! Mwan, Dariis, mon donn sa lord. Pa tarde pour ki i ganny byen egzekite.

Esdras 6:8

Aprezan, mon ordonnen ki bann ansyen parmi bann Zwif ki pe rekonstri tanp Bondye ava ganny peye, antyerman e san tarde, apartir reveni rwayal e taks ki sorti dan provens lo lot kote larivyer Efrat. Remet egzakteman larzan avek sa bann zonm pour ki sa travay pa ganny enteronpe.

Esdras 7:15

Ou ava osi anmenn larzan ek lor ki mwan ek mon bann konseye nou dezire ofer Bondye Izrael ki son demer i Zerizalenm.

Esdras 7:28

I'n montre son gran bonte anver mwan devan lerwa ek son bann konseye e devan tou son bann gran personnaz! Lanmen SENYER mon Bondye ti avek mwan e in donn mwan lafors. Mon'n rasanble bann sef Izrael pour ki zot mont avek mwan Zerizalenm.”

Esdras 8:25

Devan zot, mon ti pez larzan, lor ek bann lobze ki ti'n ganny ofer pour tanp Bondye par lerwa, son bann konseye, bann sef e par pep Izrael antye ki ti prezan.

Ester 1:14

Parmi bann konseye pros avek lerwa, ti annan Karsena, Setar, Admata, Tarsis, Meres, Marsena ek Memoukann. Sa set konseye Lapers ek Medi ki ti pros avek lerwa e okip bann premye plas dan rwayonm.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Zakari 6:10

Ranmas bann donasyon ki bann deporte Heldai, Tobiya ek Yedaya in fer. Zot fek arive, sorti Babilonn. Ozordi menm, ou ava al kot Zozye, garson Sofoni.