Esdras 7:12 - Labib An Kreol Seselwa

¹² Artakzerzes, lerwa tou bann lerwa, pour Esdras, ekriven e eksper dan lalwa Bondye lesyel! Lape!

Esdras 7:12 ပူးပေါင်းရင်းမြစ်များ

1 Rwa 20:1

Benn-Hadad, lerwa Lasiri, ti rasanble son larme; ti annan 32 lerwa ki ti lo son kote; i ti annan osi bann seval ek bann kales lager. I ti monte, anserkle e atak Samari.

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Esdras 4:17

Lerwa ti anvoy sa larepons: Rehoum, gouverner, Simsai, sekreter, avek tou leres zot bann koleg zabitan Samari ek lezot landrwa dan provens ki lo lot kote larivyer, mon anvoy konpliman.

Esdras 7:1

Apre sa, pandan renny Artakzerzes, lerwa Lapers, en zonm ki ti apel Esdras, ti ariv Zerizalenm. I ti garson Seraya, garson Azarya, garson Hilkiya,

Esdras 7:11

La kopi let ki lerwa Artakzerzes ti donn pret ek ekriven Esdras, eksper dan tou sa ki konsern komannman SENYER ek bann regleman pour Izrael:

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Ezai 10:8

Annefe, i dir: Eski tou mon bann sef pa vo bann lerwa?

Ezekyel 26:7

La sa ki Senyer BONDYE i deklare: Mon pou fer vini kont Tir, Naboukodonozor lerwa Babilonn, en lerwa parmi bann lerwa, avek tou son seval ek kales lager, son bann kavalye ek en gran larme, sorti dan Nor.

Danyel 2:37

Mazeste! Ou lerwa tou lerwa, akoz Bondye dan lesyel in donn ou rwayonm, pouvwar, pwisans ek laglwar.

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

1 Timote 6:15

Son retour pou realize dan letan fikse par Bondye, sel Souvren, Lerwa tou lerwa e Senyer tou senyer.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.