Esdras 7:10 - Labib An Kreol Seselwa

¹⁰ Esdras ti'n met tou son leker dan letid lalwa SENYER, met li an pratik e ansenny dan Izrael tou bann lalwa ek regleman.

Esdras 7:10 ပူးပေါင်းရင်းမြစ်များ

1 Kronik 29:18

SENYER! Bondye Abrahanm, Izaak ek Izrael, nou bann zanset, fer ki ou pep i gard pour touzour sa bon leker e fer zot leker tourn ver ou.

2 Kronik 12:14

Roboanm ti fer sa ki mal; i pa ti servi SENYER avek tou son leker.

2 Kronik 19:3

Pourtan i annan bon keksoz ki ou'n fer: Ou'n fer disparet dan pei bann poto sakre Asera e ou'n deside servi Bondye avek tou ou leker.”

2 Kronik 30:22

Ezekyas ti ankouraz bann levit ki ti montre bon disernman anver servis SENYER. Pandan set zour, lepep ti partisip dan bann repa Pak. Zot ti ofer sakrifis lakominyon e sant louanz an loner SENYER, Bondye zot zanset.

Esdras 7:11

La kopi let ki lerwa Artakzerzes ti donn pret ek ekriven Esdras, eksper dan tou sa ki konsern komannman SENYER ek bann regleman pour Izrael:

Esdras 7:25

Kanta ou, Esdras, dapre lasazes ou Bondye ki ou posede, etabli bann ziz ek mazistra pour ki zot rann lazistis lo tou dimoun ki reste lo lot kote larivyer Efrat e tou bann ki konn lalwa ou Bondye; ansenny sa bann ki pa konnen.

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Liv Zob 11:13

Me si ou sanz ou leker; si ou lev ou lanmen ver Bondye;

Psonm 1:2

O kontrer, i pran plezir dan lalwa SENYER e medit lo son komannman, lizour koman aswar.

Psonm 10:17

SENYER! Ou ekout lapriyer bann dimoun ki annan limilite. Ou pou redonn zot kouraz, e ekout zot,

Psonm 119:112

Mon'n fer tou pour met an pratik ou bann regleman; sanmenm mon rekonpans pour touzour.

Psonm 119:45

Mon pou mars lib, akoz mon'n rod ou bann direktiv.

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

Psonm 57:7

Mon Bondye! Mon leker i ranpli avek konfyans. Mon vreman annan konfyans. Mon pou sante, mon pou zwe lanmizik pour ou.

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Matye 5:19

Alor, sa enn ki kas en pli pti komannman e ansenny lezot pour fer parey, i pou ganny deklare pli pti dan Rwayonm lesyel. Me sa enn ki met mon bann komannman an pratik e ansenny lezot pour fer parey, i pou ganny deklare gran dan Rwayonm lesyel.

Matye 7:24

Alor, sa enn ki ekout mon bann parol e met zot an pratik, pou parey en zonm saz ki konstri son lakaz lo ros.

Levanzil dapre Zan 13:17

Aprezan ki zot konn sa, zot ava ere si zot met li an pratik.

Akt de Zapot 1:1

Ser Teofil, dan mon premye liv, mon'n rakont tou sa ki Zezi in fer e ansennyen depi konmansman,

Deterononm 16:12

Pa oubliye ki ou ti lesklav Lezip; obzerv e met an pratik sa bann regleman.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

Let Pol pour bann Tit 2:1

Me ou, Tit! Ansenny sa ki konform avek vre doktrin.

Let Pol pour bann Tit 2:15

Konmsa ki ou devre ansennyen, par servi tou ou lotorite pour ankouraz oubyen repros bann ki ekout ou. Pa les personn mepriz ou.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.

1 Samyel 7:3

Samyel ti dir pep Izrael antye, “Si zot retourn ver SENYER avek tou zot leker, fer disparet parmi zot tou sa bann bondye etranze, ek bann stati Astarte; si zot donn SENYER zot leker e servi zis li, alor, i ava delivre zot dan lanmen bann Filisten.”