Esdras 6:5 - Labib An Kreol Seselwa

⁵ Anplis, bann lobze annor e annarzan ki ti dan tanp, ki Naboukodonozor ti pran dan tanp Zerizalenm e ki'n ganny anmenn Babilonn, tousala, ava ganny retournen e remet dan son plas dan tanp Bondye Zerizalenm.

Esdras 6:5 ပူးပေါင်းရင်းမြစ်များ

2 Rwa 24:13

I ti anmenn tou bann trezor ki ti dan tanp SENYER, e tou bann trezor ki ti dan pale lerwa; i ti kraz an morso tou bann resipyan annor ki ti dan tanp SENYER, ki Salomon, lerwa Izrael, ti'n fer, parey SENYER ti'n anonse.

2 Kronik 36:10

Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.

2 Kronik 36:18

I ti pran tou bann lobze dan tanp, gran koman pti, tou bann trezor dan tanp SENYER, trezor lerwa ek trezor son bann zofisye.

Esdras 5:14

Bann lobze annor e annarzan ki ti dan tanp Bondye ki Naboukodonozor ti pran dan tanp Zerizalenm e ki i ti'n anmennen dan tanp Babilonn. Lerwa Siris ti repran tou sa ki ti dan tanp Babilonn, e konfye avek Sesbasar, ki lerwa ti apwente koman gouverner Zide.

Zeremi 27:16

Apre, mon ti dir bann pret ek lepep, sa ki SENYER i deklare: Pa bezwen ekout sa bann profet ki pe dir ki bann lobze ki servi dan tanp SENYER, pou byento retournen sorti Babilonn. Sa ki zot pe anonse i en mansonz.

Zeremi 52:19

Sef gard rwayal ti pran bann pti kivet, bol pour bril lansan, lakoup pour tenir disan ki servi pour sakrifis, resipyan pour anmas lasann, portlanp bann bol ki servi pour lansan, e bann bol ki servi pour lofrann diven. I ti pran tou bann lobze annor e annarzan.

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 5:2

Anba lefe diven, Baltazar ti donn lord pour anmenn bann istansil annor e annarzan ki son papa Naboukodonozor ti'n pran dan tanp Zerizalenm. I ti servi pour bwar ladan, li avek son bann gran zofisye, son bann fanm, ek son bann menazer.