Esdras 6:3 - Labib An Kreol Seselwa

³ Dan premye lannen son renny, lerwa Siris ti pibliy sa dekre: Tanp Bondye Zerizalenm, i devre ganny rekonstri, lo fondasyon solid, kot sakrifis i ava ganny ofer. I ava 30 met oter e 30 met larzer.

Esdras 6:3 ပူးပေါင်းရင်းမြစ်များ

2 Kronik 2:3

Salomon ti anvoy sa mesaz kot Hiranm lerwa Tir: Lontan ou ti fer tranzaksyon avek mon papa David, ler ou ti fourni li dibwa sed pour li konstri son pale. Mon ti ava kontan ki ou fourni mwan osi.

2 Kronik 2:6

An realite, lekel ki kapab konstri en lakaz pour li, akoz menm lesyel pli o, pa ase gran pour li reste? Me mwan, ki mon ete pour konstri en lakaz pour li? Sa i pou zis en landrwa kot nou pou ofer li sakrifis.

2 Kronik 36:22

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Esdras 3:7

Zot ti donn larzan bann mason ek bann sarpantye. Zot ti donn manze, bwar, ek delwil bann Sidonit ek bann Tiryen, pour fer transport pye sed par bato sorti Liban pour anmenn Zafa, dapre lotorizasyon Siris, lerwa Lapers.

Esdras 6:14

Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Psonm 122:4

La kot bann tribi i monte, bann tribi SENYER. Zot vin selebre non SENYER dapre lareg ki'n ganny etabli pour Izrael.

Revelasyon 21:16

Lavil ti annan laform kare. Son longer ti parey avek son larzer. Sa lanz ti mezir lavil avek son baton. Lavil ti mezir 2,200 kilomet; son longer, son larzer ek son oter ti parey.