Esdras 6:14 - Labib An Kreol Seselwa

¹⁴ Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Esdras 6:14 ပူးပေါင်းရင်းမြစ်များ

Esdras 3:8

Pandan dezyenm lannen, apre ki zot ti'n retourn Zerizalenm kot tanp Bondye, dan dezyenm mwan, Zorobabel, garson Sealtiel, Zozye, garson Yosadak, avek leres zot bann frer bann pret ek levit ek tou bann ki ti'n retourn Zerizalenm sorti annegzil, zot ti konmans travay. Zot ti donn sa responsabilite bann levit aze 20 an, an montan pour sirvey bann travay lo tanp SENYER.

Esdras 4:24

Alor, travay rekonstriksyon tanp dan Zerizalenm ti arete. Sa ti dire ziska dezyenm lannen renny Dariis, lerwa Lapers.

Esdras 4:3

Me Zorobabel, Zozye ek leres bann sef lafanmir Izrael ti reponn zot, “Konstriksyon en tanp pour nou Bondye pa konsern zot. Zis nou tousel, ki pou konstri en tanp pour SENYER, Bondye Izrael, parey lerwa Siris, lerwa Lapers in ordonn nou.”

Esdras 5:1

Apre sa, profet Agze ek profet Zakari, garson Ido, ti koz avek bann Zwif ki ti dan Zida e Zerizalenm lo non Bondye Izrael, zot Bondye.

Esdras 5:13

Pourtan, dan premye lannen son renny, Siris, lerwa Babilonn, ti ordonnen ki tanp Bondye i ganny rekonstri.

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Esdras 6:3

Dan premye lannen son renny, lerwa Siris ti pibliy sa dekre: Tanp Bondye Zerizalenm, i devre ganny rekonstri, lo fondasyon solid, kot sakrifis i ava ganny ofer. I ava 30 met oter e 30 met larzer.

Esdras 6:8

Aprezan, mon ordonnen ki bann ansyen parmi bann Zwif ki pe rekonstri tanp Bondye ava ganny peye, antyerman e san tarde, apartir reveni rwayal e taks ki sorti dan provens lo lot kote larivyer Efrat. Remet egzakteman larzan avek sa bann zonm pour ki sa travay pa ganny enteronpe.

Esdras 7:1

Apre sa, pandan renny Artakzerzes, lerwa Lapers, en zonm ki ti apel Esdras, ti ariv Zerizalenm. I ti garson Seraya, garson Azarya, garson Hilkiya,

Esdras 9:9

Annefe, nou bann lesklav; me nou Bondye pa'n abandonn nou dan lesklavaz. I'n montre son lanmour devan bann lerwa Lapers pour fer nou reviv, pour ki nou relev tanp Bondye e fer li sorti dan son leta anrin e donn nou son miray proteksyon Zerizalenm e dan Zide.

Nehemi 6:15

Travay lo miray ti terminen le 25 dan mwan Eloul; ti'n pran 52 zour.

Ezai 44:28

Mon'n deklare lo size Siris: I mon berze i pou akonpli tou sa ki fer mwan plezir. Lo size Zerizalenm: I pou ganny rekonstri. Lo size tanp: Ou fondasyon pou ganny retabli.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:8

Mont dan montanny e al rod dibwa. Rekonstri tanp e mon ava santi mwan ere. Alor, mon ava resevwar tou loner ki mon merite, mwan SENYER ki deklare.

Zakari 1:1

Wityenm mwan, dan dezyenm lannen ki Dariis ti lerwa Lapers, SENYER ti koz avek profet Zakari, garson Berekya, garson Ido:

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 4:9

“Lanmen Zorobabel ki'n poz fondasyon sa tanp. Se son lanmen ki pou konplet li. Alor, ou ava konnen ki SENYER liniver ki'n anvoy mwan kot ou.

Zakari 8:9

La sa ki SENYER liniver i deklare: Pran kouraz, zot ki ozordi pe antann sa bann parol ki bann profet ti prononse zour kan fondasyon tanp SENYER liniver, ti ganny poze.