Esdras 6:12 - Labib An Kreol Seselwa

¹² Bondye ki'n etabli son non dan sa landrwa, ava fer tonbe tou lerwa, ek tou pep ki kas sa lord, e detri tanp Bondye ki Zerizalenm! Mwan, Dariis, mon donn sa lord. Pa tarde pour ki i ganny byen egzekite.

Esdras 6:12 ပူးပေါင်းရင်းမြစ်များ

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

2 Kronik 7:16

Mon'n swazir e konsakre sa landrwa kot mon non pou prezan pour touzour. Mon pou touzour vey lo li.

Esdras 6:13

Alor, Tanai, gouverner provens lo lot kote larivyer avek Setar-Boznai ek son bann asosye ti egzekit deswit lord ki lerwa Dariis ti'n donnen.

Esdras 6:14

Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Esdras 7:15

Ou ava osi anmenn larzan ek lor ki mwan ek mon bann konseye nou dezire ofer Bondye Izrael ki son demer i Zerizalenm.

Esdras 7:17

Alor, avek sa larzan, ou ava aste toro, mouton mal ek zenn mouton; ou ava osi aste tou lofrann vezetal ek lofrann labwason ki al avek. Ou ava ofer tousala lo lotel tanp ou Bondye ki Zerizalenm.

Esdras 7:26

Bann dimoun ki pa obei lalwa ou Bondye e lalwa lerwa pou ganny swa kondannen anmor, swa anvoye annegzil, swa konfiskasyon son bann byen, swa ganny met dan prizon.

Ester 8:14

Alor, bann mesaze, lo bann seval deras ki ganny swannyen dan lekiri lerwa, ti depese lo lord lerwa. Sa lalwa ti ganny kominike dan lavil kapital Siz.

Psonm 5:10

Mon Bondye! Fer zot peye. Fer zot tonbe par zot prop plan; rezet zot akoz zot kantite pese e akoz zot in rebel kont ou.

Egzod 20:24

Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Ezai 60:12

Sa nasyon ek sa rwayonm ki pa aksepte servi ou, pou ganny detri. Sa bann nasyon pou konpletman disparet.

Abdyas 1:10

Akoz ou depouy e touy ou frer Zakob, ou pou ganny kouver avek laont e ou pou ganny detri pour touzour.

Akt de Zapot 9:5

I ti demande, “Lekel ou Senyer?” Sa lavwa ti reponn: Mwan menm Zezi ki ou pe persekite.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 16:2

Ou ava ofer sakrifis Pak an loner SENYER, ou Bondye, bann zannimo sorti dan ou troupo, dan landrwa kot SENYER ava'n swazir pour fer reste prezans son non.