Esdras 4:6 - Labib An Kreol Seselwa

⁶ O konmansman renny lerwa Zerzes, zot ti ekri en let lakizasyon kont bann zabitan Zida ek Zerizalenm.

Esdras 4:6 ပူးပေါင်းရင်းမြစ်များ

Zenez 26:21

Zot ti fouy en lot pwi, e ti annan lager lo sa enn osi. I ti apel li Sitna, savedir lopozisyon.

Esdras 4:5

Zot ti pey bann konseye pour anpes travay marse. Zot ti fer sa pandan lavi Siris, lerwa Lapers e kontinyen ziska renny Dariis, lerwa Lapers.

Ester 1:1

Sa ti ariv dan letan Zerzes, sa menm lerwa Zerzes ki ti renny lo 127 provens, depi Lenn ziska Letyopi.

Ester 1:10

Setyenm zour lafet, kan i ti'n konmans soule avek diven, lerwa ti apel Mehoumann, Bizta, Harbona, Bigta, Abagta, Zetar ek Karkas, set enik ki ti dan servis lerwa Zerzes.

Ester 2:16

Ester ti ganny anmennen kot lerwa Zerzes dan son pale rwayal, dan dizyenm mwan ki ti mwan Tebet, dan setyenm lannen son renny.

Ester 3:8

Apre, Haman ti dir lerwa Zerzes, “I annan en serten pep apar, disperse parmi bann pep, dan tou bann provens ou rwayonm. Zot bann lalwa i diferan avek bann lalwa tou lezot pep, e zot pa obei bann lord lerwa. Napa okenn rezon pour lerwa toler sa bann zans.

Danyel 11:2

Aprezan, sa ki mon pou anons ou i laverite. Ankor trwa lerwa pou leve dan Lapers. Katriyenm lerwa pou vin pli ris ki lezot avan. Par son larises, i pou vin for e i pou fer tou pour atak rwayonm Lagres.

Danyel 9:1

Dariis, garson Zerzes, en Med, ti vin lerwa rwayonm Babilonyen.

Matye 27:37

Par lao son latet, zot ti'n ekri rezon son kondannasyon: Zezi, lerwa bann Zwif.

Akt de Zapot 24:13

Sa bann dimoun napa laprev pour okenn lakizasyon ki zot in fer kont mwan.

Akt de Zapot 25:7

Kan Pol ti'n arive, bann Zwif ki ti'n sorti Zerizalenm ti antour li, e zot ti konmans fer bann lakizasyon grav kont li. Me zot pa ti kapab prouve.

Revelasyon 12:10

Alor, mon ti antann en lavwa for sorti dan lesyel ki ti dir: Aprezan, letan delivrans, pwisans, renny nou Bondye, ek lotorite son Mesi in ganny etabli. Annefe, lakizater nou bann frer devan Bondye, lizour koman aswar, in ganny zet deor.