Esdras 4:24 - Labib An Kreol Seselwa

²⁴ Alor, travay rekonstriksyon tanp dan Zerizalenm ti arete. Sa ti dire ziska dezyenm lannen renny Dariis, lerwa Lapers.

Esdras 4:24 ပူးပေါင်းရင်းမြစ်များ

Esdras 3:8

Pandan dezyenm lannen, apre ki zot ti'n retourn Zerizalenm kot tanp Bondye, dan dezyenm mwan, Zorobabel, garson Sealtiel, Zozye, garson Yosadak, avek leres zot bann frer bann pret ek levit ek tou bann ki ti'n retourn Zerizalenm sorti annegzil, zot ti konmans travay. Zot ti donn sa responsabilite bann levit aze 20 an, an montan pour sirvey bann travay lo tanp SENYER.

Esdras 4:23

Osito, ki let lerwa Artakzerzes ti ganny lir devan Rehoum ek Simsai ek lezot bann koleg, zot ti depese pour al deswit kot bann Zwif Zerizalenm. Zot ti servi vyolans pour fer aret travay e obliz bann Zwif aret konstriksyon.

Esdras 4:5

Zot ti pey bann konseye pour anpes travay marse. Zot ti fer sa pandan lavi Siris, lerwa Lapers e kontinyen ziska renny Dariis, lerwa Lapers.

Esdras 5:1

Apre sa, profet Agze ek profet Zakari, garson Ido, ti koz avek bann Zwif ki ti dan Zida e Zerizalenm lo non Bondye Izrael, zot Bondye.

Esdras 5:5

Me Bondye ti pe vey lo bann ansyen Zwif. Zot pa ti fer aret travay, avan ki zot ganny en larepons sorti kot Dariis, kot ki zot ti'n ekri, lo sa size.

Esdras 6:1

Lerwa Dariis ti ordonnen ki resers i ganny fer dan Babilonn, dan arsiv kot tou bann dokiman ti ganny prezerve.

Esdras 6:14

Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Esdras 6:15

Sa batiman ti ganny konplete trwazyenm zour dan mwan Adar, dan sizyenm lannen renny lerwa Dariis.

Nehemi 6:3

Alor, mon ti anvoy zot bann mesaze pour dir zot: Mon annan bokou travay pour fer e mon napa letan pour desann. Akfer travay ava bezwen ganny enteronpe, letan mon desann pour vin kot zot?

Nehemi 6:9

Zot tou, zot ti oule fer nou per; zot ti dir antre zot: Zot ava dekouraze e travay pa pou kontinyen. Alor! Bondye! Donn mwan kouraz.

Liv Zob 20:5

boner bann malfeter pa dire; e ki lazwa en malfeter i kourt?

Danyel 11:2

Aprezan, sa ki mon pou anons ou i laverite. Ankor trwa lerwa pou leve dan Lapers. Katriyenm lerwa pou vin pli ris ki lezot avan. Par son larises, i pou vin for e i pou fer tou pour atak rwayonm Lagres.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:15

Sa ti ariv vennkatriyenm zour, sizyenm mwan, dan dezyenm lannen ki Dariis ti lerwa Lapers.

Agze 2:15

SENYER ti dir ankor: Aprezan, reflesi ki pou arive apartir ozordi e dan lavenir. Avan ki ou ti rekonmans konstri mon tanp, e ki bann ros ti konmans ganny met enn lo lot,

Agze 2:18

Alor, reflesi ki pou arive apartir ozordi, vennkatriyenm zour, nevyenm mwan, e apre. Depi sa zour ki fondasyon tanp SENYER in ganny poze,

Zakari 1:1

Wityenm mwan, dan dezyenm lannen ki Dariis ti lerwa Lapers, SENYER ti koz avek profet Zakari, garson Berekya, garson Ido:

1 Tesalonisyen 2:18

Nou ti deside retourn kot zot. Mwan Pol, plizyer fwa, mon'n esey fer li. Me Satan in anpes nou.