Esdras 4:20 - Labib An Kreol Seselwa

²⁰ I'n annan bann gran lerwa dan Zerizalenm, ki ti renny lo provens antye, lo lot kote larivyer e ki zot ti resevwar taks, drwa ladwann ek drwa pasaz.

Esdras 4:20 ပူးပေါင်းရင်းမြစ်များ

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

1 Rwa 5:1

Hiranm, lerwa lavil Tir, ti en zanmi lerwa David. Ler i ti antann ki Salomon in ganny konsakre koman lerwa pour ranplas son papa, i ti anvoy en delegasyon kot Salomon.

1 Rwa 5:4

Aprezan SENYER, mon Bondye, in akord mwan lape lo tou frontyer; mon nepli annan ni lennmi, ni maler.

1 Kronik 18:13

I ti plas bann gerye dan pei Edonm e fer tou bann Edomit vin serviter David. SENYER ti donn laviktwar David partou.

1 Kronik 18:3

David ti bat Hadadezer lerwa Soba, dan direksyon Hamat. Sa ti lepok ki Hadadezer ti pe al etabli son pouvwar ziska kot larivyer Efrat.

1 Kronik 18:6

David ti plas solda dan Damas. I ti fer bann Siriyen vin son bann serviter e fer zot pey li taks. SENYER ti donn laviktwar David partou kot i ti ale.

1 Kronik 19:19

Kan bann serviter Hadadezer ti remarke ki zot ti'n ganny bate par larme Izraelit, zot ti fer lape avek David e zot ti soumet avek li. Depi sa zour, bann Siriyen pa ti zanmen oule al ed bann Amonit ankor.

2 Kronik 17:11

Bann Filisten ti anmenn kado pour li, e gran kantite lobze annarzan pour zot taks. Bann Arab osi ti anmenn 7,700 mouton ek 7,700 kabri.

2 Kronik 9:14

Anplis, ti annan bann taks ki bann komersan ek bann marsan ti anmennen, san kont lor ek larzan ki bann lerwa Arabi ek bann gouverner pei ti donn Salomon.

Esdras 4:13

Nou pe fer konnen lerwa ki, si sa lavil i ganny rekonstri e si son bann miray i ganny repare, zot pa pou pey okenn taks, ni drwa ladwann, ek drwa pasaz. Finalman, kof rwayal pou fer pert.

Esdras 4:16

Nou pe fer konnen lerwa, kisisa lavil i ganny rekonstri e si son miray i ganny repare, ou pou nepli posed okenn teritwar lo lot kote larivyer Efrat.

Esdras 4:19

Mon'n donn en lord pour fer bann resers. Mon'n dekouver ki sa lavil depi lontan in revolte kont bann lerwa e ki i'n annan bokou revolt ek rebelyon laba.

Esdras 4:21

Alor, donn en lord pour fer arete sa travay, pour ki sa lavil pa ganny rekonstri, ziska ki en lord i sorti kot mwan.

Esdras 7:24

Pour sa rezon, nou fer zot konnen ki zot napa drwa enpoz okenn taks, ni drwa ladwann, ni drwa pasaz lo okenn pret, levit, santer, portye, ni okenn dimoun ki travay dan tanp.

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Ezekyel 19:11

Son bann brans ti for e ti servi koman en baton lerwa. Sa pye rezen ti grandi e depas tou bann zarbis. Son grander ti remarkab avek son ta brans.

Matye 9:9

Zezi ti kit sa lavil. An pasan, i ti war en zonm ki ti apel Matye, asize dan biro taks. Zezi ti dir li, “Swiv mwan!” Matye ti leve e i ti swiv Zezi.