Esdras 4:2 - Labib An Kreol Seselwa

² Zot ti apros Zorobabel ek bann sef lafanmir pour dir zot, “Nou ava konstri sa tanp ansanm avek zot. Annefe, nou ador menm Bondye parey zot. Nou ofer li bann sakrifis depi lepok Asaradon, lerwa Asiri ki ti deport nou isi.”

Esdras 4:2 ပူးပေါင်းရင်းမြစ်များ

Zenez 10:11

Nimrod ti kit sa pei pour al ver Asiri. I ti konstri lavil Niniv, Reobot, Kela

2 Rwa 17:24

Lerwa Asiri ti fer tou dimoun vini sorti Babilonn, Kouta, Ava, Amat ek Sefarvaim. I ti fer zot enstal zot dan bann lavil Samari, dan plas pep Izrael, e zot ti pran posesyon Samari e reste dan son bann lavil.

2 Rwa 17:41

Alor, sa bann nasyon ti ador SENYER e anmenmtan zot ti ador zot bann stati. Ziska ozordi, zot bann zanfan ek tou zot desandans, pe kontinyen fer parey zot zanset ti fer.

2 Rwa 19:37

En zour, letan i ti pe priye dan tanp son bondye Nisrok, son de garson Adramelek ek Sareser, ti touy li avek lepe e sov dan pei Ararat. Son garson, Asaradon, ti renny dan son plas.

Esdras 1:5

Alor, bann sef fanmir dan tribi Zida ek Benzamen, bann pret ek bann levit, tou bann ki Bondye ti'n enspir zot avek sa dezir, ti prepar zot pour mont Zerizalenm e rekonstri tanp SENYER.

Esdras 2:2

Zot ti retourn ansanm avek Zorobabel, Zozye, Nehemi, Seraya, Reelaya, Mardose, Bilsann, Mispar, Bigvai, Rehoum ek Baana. La lalis bann zonm ki form bann group dan pep Izrael:

Esdras 3:12

Bokou parmi bann pret ek levit, avek bann pli vye sef lafanmir ki ti'n war sa premye tanp, ti plere e kriye kan zot ti war pe poz fondasyon tanp. Me bokou ti pler avek kontantman.

Esdras 3:2

Zozye, garson Yosadak, ansanm avek son bann konfrer pret ek Zorobabel, garson Sealtiel avek tou son bann fanmir ti konmans rekonstri lotel Bondye Izrael pour zot ofer sakrifis konplet dapre Lalwa Moiz, serviter Bondye.

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Psonm 73:8

Zot sikannen e fer konplo pour fer dimal; zot menase avek larogans.

Ezai 37:37

Alor, Senakerib, lerwa Asiri ti lev kan e retourn Niniv kot i ti reste.

Ezai 37:38

En zour, letan i ti pe priye dan tanp son bondye Nisrok, son de garson, Adramelek ek Sareser ti touy li avek lepe e sov dan pei Ararat. Son garson Asaradon ti renny dan son plas.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Galat 2:4

Ti annan serten, sepandan, bann fo frer, ki ti pretann ki zot bann krwayan. Zot ti zwenn avek nou group an sekre koman bann espyon pour obzerv laliberte ki nou posede dan Zezi-Kri, pour fer nou vin lesklav lalwa.

2 Timote 3:8

Parey ki bann mazisyen Zannes ek Zanbres ti opoz Moiz, sa bann zans, zot opoz laverite. Zot en bann zonm avek lespri koronpi e zot lafwa pa vo nanryen.