Esdras 4:12 - Labib An Kreol Seselwa

¹² Nou pe fer konnen lerwa, ki bann Zwif ki'n sorti kot ou, in ariv parmi nou, Zerizalenm. Zot pe rekonstri sa lavil rebel e move. Zot pe repar miray e pe rekonstri bann fondasyon.

Esdras 4:12 ပူးပေါင်းရင်းမြစ်များ

2 Rwa 18:20

Eski ou krwar ki zis parol i en stratezi ek lafors pour fer lager? Lo lekel ou pe met ou konfyans, pour ki ou revolte kont mwan?

2 Rwa 24:1

Dan sa lepok, Naboukodonozor, lerwa Babilonn ti sorti pour al fer lager. Yoyakim ti anba son pouvwar pandan 3 an. Apre, i ti revolte kont li.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Esdras 4:11

La kopi sa let ki zot ti anvoye: Lerwa Artakzerzes: Nou ou bann serviter, zabitan provens ki lo lot kote Larivyer; nou anvoy konpliman.

Esdras 4:15

Konmsa, lerwa ava fer verifye dan bann arsiv ou bann zanset. Ou ava war dan sa bann arsiv ki sa lavil in touzour rebel: I pa'n zanmen arete fer bokou ditor bann lerwa ek bann gouverner provens; depi lontan sa lavil i abitye revolte.

Esdras 4:19

Mon'n donn en lord pour fer bann resers. Mon'n dekouver ki sa lavil depi lontan in revolte kont bann lerwa e ki i'n annan bokou revolt ek rebelyon laba.

Esdras 5:3

Anmenmtan, Tatenai, gouverner provens lo lot kote larivyer, Setar-Boznai ek zot bann asosye ti vin demann zot, “Lekel ki'n donn zot lord pour rekonstri sa tanp e repar bann miray?”

Esdras 5:9

Nou ti demann bann ansyen, lekel ki'n donn zot permisyon pour rekonstri sa tanp e repar sa bann miray?

Nehemi 1:3

Zot ti dir mwan, “Bann sirvivan laba dan provens, ki'n sov deportasyon, i viv dan gran mizer ek laont; miray Zerizalenm in fann an morso, e bann laport in ganny detri par dife.”

Nehemi 6:6

La sa ki ti'n ekri: I annan en rimer parmi bann nasyon, e Gesenm i konfirmen ki ou, avek bann Zwif, zot annan lentansyon revolte. Pour sa rezon ki ou pe rekonstri sa miray; e dapre sa rapor, oule vin zot lerwa.

Ester 3:8

Apre, Haman ti dir lerwa Zerzes, “I annan en serten pep apar, disperse parmi bann pep, dan tou bann provens ou rwayonm. Zot bann lalwa i diferan avek bann lalwa tou lezot pep, e zot pa obei bann lord lerwa. Napa okenn rezon pour lerwa toler sa bann zans.

Zeremi 52:3

Zerizalenm ek Zida ti provok lakoler SENYER ziska i ti rezet zot, lwen avek li. Sedesyas ti revolte kont lerwa Babilonn.

Danyel 3:8

Deswit apre, serten Babilonyen ti vin akiz bann Zwif.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Akt de Zapot 24:5

Nou'n dekouver ki sa zonm i en nwizans, ki provok dezord parmi bann Zwif dan lemonn antye. Li menm, en sef sa parti Nazareen.

1 Tesalonisyen 5:22

e prezerv zot kont tou sa ki mal.