Esdras 3:11 - Labib An Kreol Seselwa

¹¹ Zot ti loue SENYER; sakenn son tour, zot ti sant sa refren: SENYER i bon, son lanmour pour Izrael i dire pour touzour! Lepep antye osi ti loue SENYER par bann gran aklamasyon, akoz zot ti pe poz fondasyon tanp SENYER.

Esdras 3:11 ပူးပေါင်းရင်းမြစ်များ

1 Kronik 16:34

Loue SENYER, akoz i bon, e son fidelite i dire pour touzour!

1 Kronik 16:41

Avek zot, ti annan Hemann, Yedoutoun ek tou leres ki ti ganny swazir spesyalman pour selebre SENYER, akoz son lanmour i dire pour touzour.

2 Kronik 5:13

Bann santer, bann zwer tronpet ti zwenn ansanm dan larmoni, pour rann glwar e remersye SENYER: SENYER i bon; son fidelite i reste pour touzour. Sa ti ganny akonpannyen par bann son senbal avek lezot lenstriman lanmizik. Anmenmtan, en nyaz ti ranpli tanp SENYER.

2 Kronik 7:3

Kan pep Izrael ti war dife desann sorti dan lesyel, e laglwar prezans SENYER dan tanp, zot ti prosternen lafas ater e loue SENYER, akoz SENYER i bon e son fidelite i pour touzour.

Nehemi 12:24

Bann sef bann levit: Hasabya, Serebya ek Zozye, garson Kadmyel avek zot bann frer anfas zot, pour loue e selebre SENYER, group par group, dapre lord David, serviter Bondye.

Nehemi 12:40

Sa de lakoral ti aret dan tanp Bondye. Mwan osi, avek bann mazistra ki ti avek mwan, nou ti fer parey;

Psonm 100:5

Wi! SENYER i bon. Son fidelite i dire pour touzour. Son fidelite i reste pour touzour.

Psonm 103:17

Me fidelite SENYER pour sa enn ki obei li i dire pour leternite e son lazistis i dire ziska plizyer zenerasyon

Psonm 106:1

Loue SENYER, akoz i bon, son fidelite i dire pour touzour.

Psonm 107:1

Remersye SENYER akoz i bon; akoz son fidelite i pour touzour.

Psonm 118:1

Loue SENYER akoz i bon! Son fidelite i dire pour touzour.

Psonm 131:1

SENYER! Dan mon leker napa lorgey, mon lizye napa pretansyon. Mon pa esey fer keksoz ki depas mwan.

Psonm 135:3

Loue SENYER akoz SENYER i bon! Sant pour son non, akoz i bon.

Psonm 47:1

Tou bann pep! Bat lanmen. Loue Bondye avek kantik lazwa!

Psonm 47:5

Bondye i monte dan milye bann laklamasyon. SENYER i avanse avek lanmizik tronpet.

Egzod 15:21

Mirianm ti sant avek zot: Sant pour SENYER akoz in ganny laviktwar: Seval ek kavalye in ganny zete dan lanmer.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 44:23

Lesyel sant bann kantik lazwa akoz SENYER in azir. Profonder later! Fer monte ou lazwa. Bann montanny! Fer tande zot selebrasyon; lafore osi avek tou ou bann pye dibwa: SENYER in sov Zakob; i'n montre son laglwar dan Izrael. Akoz SENYER i'n sov Zakob e in manifeste son laglwar dan Izrael.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Agze 2:3

Eski i annan parmi zot ki rapel labote sa tanp? Ki mannyer zot trouv li, la aprezan? I pa nanryen ditou, non?

Zakari 4:7

Ki ou ete, ou ki en gran montanny? Devan Zorobabel, ou pou vin en laplenn. I pou tir ros fondasyon pandan ki dimoun pe kriye: Bravo! Bravo!”

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Levanzil dapre Lik 1:50

I annan konpasyon pour tou dimoun ki obei li, atraver tou bann zenerasyon.

Zozye 6:10

Zozye ti donn lepep sa lord: Zot pa pou fer okenn laklamasyon, ni okenn tapaz, ni koze, ziska zour mon ava dir zot: Lans en laklamasyon.

Zozye 6:16

Apre setyenm letour, bann pret ti sonn zot tronpet. Zozye ti dir lepep: Kriy for, akoz SENYER in donn zot sa lavil.

Zozye 6:5

Ler zot ava antann tronpet korn bouk soufle, lepep antye ava kriye avek en gran laklamasyon. Alor, miray lavil ava tonm plat ater e lepep ava atake drwat devan zot.”