Esdras 3:1 - Labib An Kreol Seselwa

¹ Kan setyenm mwan ti arive e tou bann Izraelit ti'n enstal zot dan zot lavil, lepep ti rasanble dan Zerizalenm.

Esdras 3:1 ပူးပေါင်းရင်းမြစ်များ

Nehemi 7:72

Serten sef lafanmir ti vers dan fon travay 20,000 pyes lor e 1,100 kilo larzan.

Nehemi 7:73

Alor, bann pret, bann levit, bann portye, bann santer, ek serten parmi lepep, bann serviter tanp ek pep Izrael antye ti enstal zot dan zot lavil. Ler setyenm mwan ti arive, pep Izrael ti pe reste dan zot lavil.

Nehemi 8:1

Pep antye ti rasanble ansanm dan laplas piblik devan laport Delo. Zot ti demann skrib Esdras pour anmenn liv lalwa Moiz, ki SENYER ti'n donn Izrael.

Nehemi 8:14

Zot ti war ekri dan liv lalwa, ki SENYER ti'n donnen par lentermedyer Moiz, ki pep Izrael ti devre reste dan bann payot pandan lafet, dan setyenm mwan,

Levitik 16:29

Sa i en regleman pour zot pour touzour: Dizyenm zour, dan setyenm mwan, pep Izrael antye, ensi ki tou etranze ki reste parmi zot, ava zennen e aret tou travay.

Levitik 23:24

Dir avek pep Izrael: Premye zour, setyenm mwan, ou ava obzerv en zour repo konplet. Sa i ava en zour souvenir, avek laklamasyon dan en lasanble sakre.

Sofoni 3:9

Alor, mon pou pirifye labous bann pep, pour ki zot tou, zot envok non SENYER e servi mwan avek en menm leker.

Akt de Zapot 2:46

Tou le zour, zot ti reini regilyerman dan Tanp. Zot ti partaz dipen dan zot lakaz, manz dan lazwa, avek kontantman ek senplisite dan zot leker.

Akt de Zapot 4:32

Tou bann krwayan ti annan en sel leker ek en sel lespri. Personn pa ti apel sa ki i annan son byen personnel, me zot ti partaz ant zot, tou sa ki zot ti posede.

1 Korentyen 1:10

Mon bann frer ek ser! Mon demann zot lo non Zezi-Kri nou Senyer: Met zot byen dakor ansanm; pa les okenn divizyon egziste parmi zot. Reste byen ini ansanm dan en menm mannyer panse e menm konviksyon.

Deterononm 16:16

Trwa fwa par an, pour lokazyon lafet dipen san lelven, lafet Rekolt ek lafet Latant, tou bann zonm ava prezant zot devan SENYER, ou Bondye, la kot i ava swazir. Zot pa pou vin devan SENYER lanmen vid.

Ziz 20:1

Pep Izrael antye ti sorti e koman en sel zonm, depi Dann ziska Berseba ek Galaad ti rasanble Mispa, devan SENYER.