Esdras 10:9 - Labib An Kreol Seselwa

⁹ Tou bann zonm Zida ek Benzamen ti rasanble Zerizalenm pandan trwa zour. Sa ti ariv le 20, dan nevyenm mwan. Lepep antye ti rasanble devan tanp Bondye; zot ti tranble akoz sa zafer e akoz ti annan gro lapli.

Esdras 10:9 ပူးပေါင်းရင်းမြစ်များ

Esdras 10:10

Pret Esdras, ti debout. I ti dir zot, “Zot in komet en fot grav kan zot ti marye avek bann fanm etranze e zot in agrav tor Izrael.

Esdras 10:3

Annou fer en lalyans avek nou Bondye e fer ale tou sa bann fanm etranze ek zot bann zanfan. Konmsa, nou ava swiv ou konsey ki ou, ek tou bann ki annan respe pour komannman nou Bondye in donnen. Annou fer tou dapre lalwa.

Esdras 10:8

Dapre lord bann sef ek bann ansyen, sa enn ki pa vini dan trwa zour, son propriyete pou ganny konfiske, e li, i pou ganny pouse dan kominote bann deporte.

Esdras 9:4

Mon ti reste la dan mon dezespwar ziska ler sakrifis aswar. Tou bann ki ti pe tranble devan Parol Bondye Izrael akoz sakrilez bann egzile, ti rasanble otour mwan.

Ester 2:16

Ester ti ganny anmennen kot lerwa Zerzes dan son pale rwayal, dan dizyenm mwan ki ti mwan Tebet, dan setyenm lannen son renny.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Zeremi 10:13

Kan i fer tande son lavwa, delo i anmase dan lesyel; i fer monte bann gro nyaz depi lorizon; i fer zekler anmenn lapli; i fer divan sorti dan son rezerv.

Zeremi 36:22

Sa ti pas dan nevyenm mwan lannen. Lerwa ti pe asiz dan son pale liver devan en reso alimen.