Esdras 10:8 - Labib An Kreol Seselwa

⁸ Dapre lord bann sef ek bann ansyen, sa enn ki pa vini dan trwa zour, son propriyete pou ganny konfiske, e li, i pou ganny pouse dan kominote bann deporte.

Esdras 10:8 ပူးပေါင်းရင်းမြစ်များ

Esdras 10:7

Zot ti fer sirkil en proklanmasyon atraver Zerizalenm e dan pei Zida, pour demann tou bann ansyen deporte rasanble Zerizalenm.

Esdras 10:9

Tou bann zonm Zida ek Benzamen ti rasanble Zerizalenm pandan trwa zour. Sa ti ariv le 20, dan nevyenm mwan. Lepep antye ti rasanble devan tanp Bondye; zot ti tranble akoz sa zafer e akoz ti annan gro lapli.

Esdras 7:26

Bann dimoun ki pa obei lalwa ou Bondye e lalwa lerwa pou ganny swa kondannen anmor, swa anvoye annegzil, swa konfiskasyon son bann byen, swa ganny met dan prizon.

Nehemi 13:28

Enn bann garson Yoyada, garson Gran-Pret Eliasib, ti zann Sanbalat en Horonit. Mon ti sas li lwen avek mwan.

Nehemi 13:3

Kan bann Izraelit ti'n antann lektir lalwa, zot ti sas bann etranze dan zot kominote.

Levitik 27:28

Tou sa ki en zonm in konsakre pour SENYER, pa pou kapab ganny vann ni reaste. Sa i aplik pour zonm, zannimo, en propriyete. Tou sa ki'n ganny konsakre pour SENYER i vin en keksoz sakre.

Matye 18:17

Me si i refize ekout zot, dir tou avek Legliz. Si i refize ekout Legliz, ou ava konsider li koman en non-Zwif oubyen en kolekter taks.

Levanzil dapre Zan 16:2

Zot pou ganny pouse dan bann sinagog. E menm en letan pe vini kan dimoun ki pou touy zot, pou krwar ki zot pe servi Bondye.

Levanzil dapre Zan 9:22

Son paran ti dir sa akoz zot ti per bann Zwif. Annefe, bann Zwif ti'n fini deside ki tou dimoun ki aksepte ki Zezi i li menm Mesi, pou ganny pouse dan sinagog.

Levanzil dapre Zan 9:34

Zot ti reponn li, “Ou'n ne dan pese e aprezan oule esey ansenny nou?” E zot ti sas li dan sinagog.

1 Korentyen 5:13

Annefe, Lekritir i deklare: Sas parmi zot, bann ki komet lemal.

Zozye 6:19

Larzan ek lor, tou bann lobze an bronz e an fer, ava ganny konsakre pour SENYER; zot ava ganny met dan trezor SENYER.

Ziz 21:5

Bann Izraelit ti dir: Lekel parmi tou bann tribi Izrael ki pa'n mont dan lasanble devan SENYER? Annefe, dan serman solannel ki zot ti fer Mispa, zot ti dir ki sa enn ki pa ankor mont kot SENYER ava ganny touye.

1 Samyel 11:7

I ti pran de bef, koup zot an morso e par lentermedyer bann mesaze, i ti anvoy partou dan teritwar Izrael, avek sa mesaz: La sa ki pou arive avek bef tou bann ki pa swiv Sail ek Samyel dan lager. Lafreyer pour SENYER ti tonm lo lepep, e zot tou, ti zwenn ansanm avek Sail.